Vietkaŭski muziej atrymaŭ u padarunak ad hamialčanki staradaŭniuju siamiejnuju ikonu
Na staroncy Vietkaŭskaha muzieja staraabradnictva i biełaruskich tradycyj F.R.Šklarava ŭ sacsietkach źjaviłasia paviedamleńnie, što adna z žycharak Homiela vyrašyła padaravać hetamu muzieju staradaŭniuju ikonu, jakaja zachoŭvałasia ŭ jaje siamji, piša «Štodzień».
«Siabry, chočam z vami padzialicca radaściu! Hladzicie, jakuju ŭčora ikonu naš muziej atrymaŭ u padarunak!», — paviedamili muziejščyki ŭ svaich sacsietkach.
Tam ža raźmieščany fotazdymak toj samaj ikony i videa, na jakim jaje ŭładalnica — spadarynia Alena — raspaviadaje, što joj hety abraz pierajšoŭ u spadčynu ad babuli Kastylovaj Nadziei ź vioski Radul Čarnihaŭskaj vobłaści.
Na pytańnie, čamu žančyna vyrašyła padaryć ikonu mienavita Vietkaŭskamu muzieju, jana patłumačyła, što adnojčy krajaznaŭčy materyjał pra jaje ŭkrainskuju viosku rabiŭ homielec Saša Nikicin — miascovy muziejščyk i ekskursavod. Žančynie tak impanuje, što i jak jon robić, što jana vyrašyła davieryć ikonu biełaruskamu muzieju, ź jakim Saša Nikicin pracuje.
«Heta dla nas vielmi značny padarunak jašče i tamu, što my źbirajem u tym liku ikony, kivoty, fotazdymki dy j lubyja rečy z toj miascovaści. Vietkaŭski muziej z dnia svajho zasnavańnia daśleduje historyju rodu radulskaha majstra-kivotnika Piatra Kastylova», — paviedamili muziejščyki.
U chutkim časie ikonu čakaje restaŭracyja, paśla čaho jana stanie častkaj vystavačnaha fondu Vietkaŭskaha muzieja.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami5
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2121
Kamientary