Biełarus pradaŭ na aŭkcyjonie karobku ad cukierak z tych časoŭ, kali Minsk jašče byŭ Mienskam
Žychar Maładziečna vystaviŭ na virtualny aŭkcyjon blašanuju skrynku ad cukierak fabryki «Kamunarka» 1930-ch hadoŭ z nadpisam «Miensk». Pačatkovaja cana składała adzin rubiel.
U vyniku praź dziesiać stavak skrynku zabrali za 206 rubloŭ, paviedamlaje Blizko.by.
«Kamunarka» atrymała svaju ciapierašniuju nazvu da Druhoj suśvietnaj vajny, a samo pradpryjemstva było zasnavanaje jašče ŭ 1905 hodzie i nazyvałasia tady kaviarniaj z kandytarskimi praduktami, piakarniaj kandytarskich praduktaŭ Hieorhija Vikienćjeviča Račkoŭskaha, nahadvaje sajt pradpryjemstva. Potym biznes pačaŭ raźvivacca, kaviarnia pieratvaryłasia ŭ kramu, a ŭ 1914 hodzie źjaviłasia fabryka.
U savieckija hady spačatku hetaje pradpryjemstva nazyvałasia «pieršaj biełaruskaj kandytarskaj fabrykaj», zatym było pierajmienavanaje ŭ Minskuju kandytarskuju fabryku «Prahres» i tolki ŭ 1929 hodzie atrymała imia, jakoje nosić pa siońniašni dzień.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy11
Kamientary