«U nas novy rekord». U Polščy raspaviali, kolki biełarusaŭ ciapier u ich pracuje lehalna
Śviežuju statystyku pryviało polskaje Upraŭleńnie sacyjalnaha strachavańnia.
U Polščy raskryli aktualnuju kolkaść zamiežnikaŭ, jakija aficyjna pracujuć u ich. Havorka idzie pra bolš jak miljon čałaviek, piša vydańnie Rzeczpospolita sa spasyłkaj na śviežuju statystyku polskaha Upraŭleńnia śpiecyjalnaha strachavańnia (ZUS) za lipień hetaha hoda.
Tak, ahulnaja kolkaść lehalna pracujučych zamiežnikaŭ u Polščy na kaniec lipienia składała 1 miljon 98 tysiač čałaviek, što na 40,2 tysiačy bolš, čym sioleta ŭ studzieni, i na 73 tysiačy bolš, čym było letaś.
«Novy rekord, zafiksavany ZUS, asabliva źviazany z prytokam pracoŭnych ź Biełarusi. Tolki ŭ lipieni ŭ nas lehalna pracavała ci kiravała kampanijami 122,7 tysiačy biełarusaŭ, što na 12,4 tysiačy bolš, čym było sioleta ŭ studzieni. A ŭkrainskija rabotniki ŭsio jašče na pieršym miescy — ciapier ich amal 750 tysiač, — adnak ich prytok istotna zapavoliŭsia ŭ paraŭnańni z papiarednim hodam», — adznačaje Rzeczpospolita sa spasyłkaj na danyja ZUS.
Na trecim miescy paśla ŭkraincaŭ i biełarusaŭ pa kolkaści zamiežnych rabotnikaŭ u Polščy znachodziacca hruziny. Ich kolkaść na kaniec lipienia składała 27,4 tysiačy čałaviek.
Nahadajem, što niadaŭna Polšča taksama raskryła infarmacyju i pa ciapierašniaj kolkaści biełaruskich studentaŭ va ŭniviersitetach krainy. Studenty ź Biełarusi ŭvachodziać tam u trojku najbujniejšych hrup zamiežnikaŭ.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»12
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary