U Polščy raskryli ciapierašniuju kolkaść biełaruskich studentaŭ va ŭniviersitetach krainy
Akramia hetaha, byli nazvanyja samyja papularnyja kirunki navučańnia siarod biełarusaŭ i inšych zamiežnikaŭ.
Pavodle novaj spravazdačy adukacyjnaha fondu Perspektywy, u Polščy ciapier navučajecca 1,21 miljona studentaŭ, 105 tysiač ź jakich — zamiežniki.
Siarod zamiežnikaŭ jość try samyja vialikija hrupy: studenty z Ukrainy, Biełarusi i Turcyi, pieradaje Polskie Radio.
«Bolšaść składajuć ukraincy — 48 100 čałaviek, abo 45,6% ad ahulnaj kolkaści zamiežnych studentaŭ. Dalej iduć biełarusy — ich ciapier 12 tysiač, abo 11,4%. Trojku pryzioraŭ zamykajuć turki z 3800 studentami (3,6%)», — skazana ŭ novaj spravazdačy.
Usiaho ž top-10 pa kolkaści zamiežnych studentaŭ u Polščy vyhladaje ciapier tak.
- Ukraina
- Biełaruś
- Turcyja
- Zimbabve
- Indyja
- Azierbajdžan
- Uźbiekistan
- Kitaj
- Kazachstan
- Nihieryja
«60% zamiežnych studentaŭ vučacca na polskaj movie, 37% — na anhlijskaj, a ŭsie astatnija — na roznych inšych. Samymi papularnymi kirunkami ŭ zamiežnikaŭ źjaŭlajucca mieniedžmient, infarmatyka i miedycyna», — piša Polskie Radio sa spasyłkaj na spravazdaču.
Nahadajem, što raniej my pisali pra rost cenaŭ na navučańnie va ŭniviersitetach Biełarusi.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary