Rektar Połackaha ŭniviersiteta pryznaŭ, što bolšaść vykładčykaŭ u 2020-m padtrymali pratesty
Rektar PDU Juryj Ramanoŭski aburyŭsia i tymi vykładčykami, chto «nie pieraškadžaŭ» pratesnym nastrojam šyrycca.
«Bolšaja častka supracoŭnikaŭ, rabotnikaŭ padtrymała pratesnuju dziejnaść, nie pieraškadžali tamu, kab studentaŭ nie dałučali. Častka rabotnikaŭ była źviazanaja z zamiežžam, jany sabie, pa sutnaści, na hetych prajektnych akcyjach zrabili peŭny chajp dla taho, kab potym u ramkach padtrymki mieć jakija-niebudź dyvidendy», — kaža rektar Połackaha ŭniviersiteta Juryj Ramanoŭski ŭ anonsie prapahandysckaha filma telekanała «Źviazda».
U anonsie filma taksama zhadali vykładčykaŭ: dacenta kafiedry sacyjalnych kamunikacyj Viktara Jakubava, staršaha vykładčyka kafiedry słavianskich moŭ Natallu Apanasovič, dacenta kafiedry suśvietnaj litaratury i zamiežnych moŭ Dźmitryja Kandakova. Proźviščy vykładčykaŭ, jakich zatrymlivali, nie nazyvalisia. «Intervju» ź imi pakažuć u poŭnym filmie 4 lipienia.
23 maja ŭ Połackim dziaržaŭnym univiersitecie prajšła chvala zatrymańniaŭ, pad jakuju trapiła kala paŭtara dziasiatka supracoŭnikaŭ. Bolšaści tych, čyje vyniki suda viadomyja, prysudzili aryšt, minimum adzin čałaviek aštrafavany.
14 červienia «pa pahadnieńni bakoŭ» zvolnienyja raniej aryštavanyja pa administracyjnych spravach dacent kafiedry historyi i turyzmu Viktar Čaraŭka i dacent kafiedry kanstytucyjnaha prava i dziaržkiravańnia Siarhiej Hłazyryn.
Juryja Ramanoŭskaha Łukašenka pryznačyŭ rektaram 1 žniŭnia 2022-ha. Da hetaha jon pracavaŭ pieršym prarektaram u Hrodzienskim dziaržaŭnym univiersitecie imia Janki Kupały.
Juryj Ramanoŭski rodam ź vioski Alešavičy Mastoŭskaha rajona Hrodzienskaj vobłaści. U 1997 hodzie skončyŭ z adznakaj matematyčny fakultet Hrodzienskaha dziaržaŭnaha ŭniviersiteta imia Janki Kupały. Z 1999 pa 2002 hod navučaŭsia ŭ aśpirantury Biełaruskaha dziaržaŭnaha ŭniviersiteta pa śpiecyjalnaści «hieamietryja i tapałohija». Byŭ dekanam fakulteta davuzaŭskaj padrychtoŭki Hrodzienskaha dziaržaŭnaha ŭniviersiteta imia Janki Kupały.
Čytajcie taksama:
Pakul siadzieŭ, pastavili prahuł. Zvolnili dacenta Połackaha ŭniviersiteta, jaki pracavaŭ tam 14 hod
U Połackim univiersitecie zvolnili za palityku troch vykładčykaŭ, šaściora zvolnilisia sami
Ciapier čytajuć
Cichanoŭski raskazaŭ, što treba było rabić u žniŭni 2020-ha58
Kamientary