U Połackim univiersitecie zvolnili za palityku troch vykładčykaŭ, šaściora zvolnilisia sami
U Połackim dziaržaŭnym univiersitecie 14 červienia «pa pahadnieńni bakoŭ» zvolnienyja raniej aryštavanyja pa administracyjnych spravach dacent kafiedry historyi i turyzmu Viktar Čaraŭka i dacent kafiedry kanstytucyjnaha prava i dziaržkiravańnia Siarhiej Hłazyryn, pra heta paviedamlaje «Lusterka» na padstavie infarmacyi ahienctva BPN.
Čaraŭko i Hłazyryna zatrymali 23 maja ŭ Połacku i aryštavali adpaviedna na 13 i 15 sutak za «raspaŭsiud ekstremisckaj infarmacyi» (art. 19.11 KaAP). Pa hetaj ža pryčynie z PDU zvolnili kandydata histaryčnych navuk, dacenta kafiedry historyi i turyzmu, namieśnika dekana inžynierna-budaŭničaha fakulteta Juryja Kieža.
Pa słovach krynicy BPN, Kieža «danaciŭ u «ekstremisckija» fondy». Kali pra heta stała viadoma siłavikam, navukoviec «kampiensavaŭ škodu» i zastaŭsia na voli.
Pavodle infarmacyi krynicy BPN, 13 červienia šeść zahadčykaŭ kafiedraŭ PDU napisali zajavy ab zvalnieńni praz «niežadańnie być datyčnymi da palityčnaha pieraśledu kalehaŭ».
23 maja ŭ PDU prajšła chvala zatrymańniaŭ, pad jakuju trapili kala paŭtara dziasiatka supracoŭnikaŭ. Bolšaści tych, čyje vyniki suda viadomyja, prysudzili aryštu, minimum adzin čałaviek aštrafavany.
Akramia taho, 29 i 30 sakavika prajšli zatrymańni supracoŭnikaŭ Połackaha historyka-kulturnaha zapaviednika, častka ź ich była aryštavanaja, niekatoryja — niekalki razoŭ zapar.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
U lubym razie, sapraŭdnym vykładčykam, što zastalisia ludźmi - reśpiekt i honar!