Enierhija pustyni zamiest pucinskaha hazu? Voś što moža vyratavać Jeŭropu
13 hadoŭ tamu ŭžo abmiarkoŭvaŭsia prajekt taho, jak možna pieradavać u Jeŭropu soniečnuju enierhiju cieraź Mižziemnaje mora. Tady syścisia na detalach nie atrymałasia, ale ciapier pra Desertec — tak hučyć nazva prajekta — znoŭ uspomnili. U ciapierašnich palityčnych umovach jon moža dapamahčy Jeŭropie vyžyć biez pucinskaha hazu.
Inicyjatyva Desertec źjaviłasia ŭ Hiermanii i była zasnavanaja na pracy fizika Hiercharda Knijesa. Toj padličyŭ, što za šeść hadzin va ŭsie pustyni Ziamli traplaje stolki ž soniečnaj enierhii, kolki patrebna ŭsiamu čałaviectvu na hod. Adpaviedna hetuju enierhiju z Sachary možna było b pieradać u Jeŭropu, tłumačyć onet.pl.
13 hadoŭ tamu hetaja ideja vyklikała ejfaryju. Naprykład, tahačasny kiraŭnik kampanii Siemens Pieter Lošer nazyvaŭ Desertec «prajektam «Apałon» 21 stahodździa», paraŭnoŭvajučy jaho z kaśmičnaj prahramaj, što niekali dapamahła adpravić pieršych ludziej na Miesiac. U toj ža čas 12 kampanij abjadnalisia ŭ inicyjatyvu Desertec Industrial Initiative, što pavinna była zajmacca prajektam.
Ale ž, jak akazałasia, pierajści da kankretnaj pracy bolš ciažka, čym čakałasia. U 2014 hodzie inviestary stracili ciarpieńnie i pierakryli inicyjatyvie kisłarod, u toj ža čas zakryłasia miunchienskaja štab-kvatera Desertec Industrial Initiative.
Adzin z tahačasnych suzasnavalnikaŭ Desertec, Poł van Son, častku viny za heta ŭskładaŭ na niamieckich palitykaŭ. Niahledziačy na pavodziny Rasii — u toj čas Maskva anieksiravała Krym — Hiermanija dazvoliła sabie pavialičyć zaležnaść ad rasijskaha hazu z 35 da 55 pracentaŭ za dziesiać hadoŭ.
Zaraz, kali Jeŭropa stavić sabie za metu pazbavicca ad enierhietyčnaj zaležnaści ad Rasii, Desertec moža stać vyratavańniem. Kampanija źmianiła stratehiju i prapanuje novy płan, zhodna ź jakim soniečnaja i vietranaja enierhija budzie pastupać na elektroliznyja ŭstanoŭki na marskim uźbiarežžy. Tam budzie vyrablacca haz, jaki stanie samym važnym enierhanośbitam budučyni — vadarod.
U naš čas kansorcyum Desertec uklučaje ŭ siabie bolš čym 60 kampanij, i siarod ich takija hihanty, jak ThyssenKrupp i Siemens Energy. U vyniku pracy jany raźličvajuć atrymać nie tolki tannuju, ale i ekałahična čystuju enierhiju.
Vajna va Ukrainie, źmieny klimatu i rost cenaŭ na enierhanośbity — usie hetyja rečy spryjajuć pavyšanaj uvazie da Desertec. Cana soniečnaj enierhii, vyrablenaj u pustyni, składaje mienš čym dva centy za kvt/hadz. Elektroliznyja ŭstanoŭki robiacca ŭsio tańniejšymi i ŭsio bolš efiektyŭnymi. U vyniku vadarod, vyrableny ŭ Paŭnočnaj Afrycy, moža ŭ lepšym vypadku stać takim ža tannym, jak i rasijski haz.
U Polščy vypracavali rekordnuju kolkaść enierhii ad soniečnych batarej
Jak maskoŭski Centrabank zdoleŭ padniać kurs rasijskaha rubla
-
Bunkiery, układańni ŭ źniešnaść zamiest rozumu. Bajučysia ery štučnaha intelektu, ludzi kidajucca ŭ krajnaści
-
Revalucyja ŭ biespravadnoj zaradcy: japoncy prapanujuć rašeńnie, jakoje moža kančatkova zamianić kabieli
-
Padkazka papularnaj niejrasietki Gemini spažyvaje stolki ž enierhii, kolki 9 siekund televizara
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała6
Kamientary