Z Ukrainy ŭ Ispaniju viarnuli sabaku zahinułaha ispanskaha dobraachvotnika. Ispanski konsuł asabista šukaŭ jaho
Paśla hibieli baćki na vajnie 10-hadovy Bieltran maryŭ tolki pra adno — kab viarnuŭsia Josi, sabaka, što byŭ pobač z tatam da samaha apošniaha dnia. I voś praź miesiacy nadziej i rospačy mara spoŭniłasia, piša DW.
Ispaniec Mihiel Karmona pajechaŭ vajavać za Ukrainu ŭ sakaviku 2024 hoda, uziaŭšy z saboj sabaku pa mianušcy Josi. Svoj učynak jon žartam patłumačyŭ tym, što nie raźličvaŭ na znosiny z ukraincami, bo nie viedaŭ ich movy, i tolki sabaka moh zrabić jamu kampaniju. Ukrainskaje načalstva nie piarečyła, i Josi žyŭ u kazarmie razam ź ispancam.
Tak praciahvałasia da 10 červienia, kali haspadar zahinuŭ na pieradavoj.
Paśla jaho śmierci ŭdava ispanskaha dobraachvotnika Jeva Alvares vyrašyła viarnuć sabaku dadomu. Jana chacieła, kab u jaje syna — 10-hadovaha Bieltrana — była pamiać pra baćku.
Z prośbaj znajści sabaku žančyna źviarnułasia da ispanskich dypłamataŭ, vajskoŭcaŭ USU, byłych sasłužyŭcaŭ muža, supracoŭnikaŭ humanitarnych arhanizacyj i da presy.
Jana navat vykazała hatoŭnaść adpravicca va Ukrainu — u zonu bajavych dziejańniaŭ — kab samastojna pašukać Josi.
Dva miesiacy pošukaŭ nie prynieśli vynikaŭ. Paśla śmierci haspadara za sabakam pryhladaŭ jaho sasłužyviec, kałumbijski dobraachvotnik Daniła. Ale jon byŭ ciažka paranieny i da hetaha času zastajecca ŭ špitali.
Sabaka źnik, a potym nibyta apynuŭsia ŭ Słaviansku.
U pošukach Josi dapamoh ispanski konsuł va Ukrainie. U vyniku ŭkrainskija vajskoŭcy znajšli i dastavili całkam zdarovaha sabaku ŭ Kijeŭ. Tut jaho prytulili vałanciory i praź niekatory čas adpravili na mašynie ŭ Ispaniju.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert3
Kamientary
Chaj skončacca chutčej usie vojny na śviecie!