Dudkin: Maja dapamoha biełaruskamu kontrvyviedu zaŭsiody była nakiravana na karyść Biełarusi

Šanoŭnaja redakcyja,

Źviartajusia da vas z nahody materyjałaŭ, apublikavanych u vašych artykułach, jakija tyčacca majoj asoby i dziejnaści fondu Fundacja Białoruska Chrześcijańska Demokracja. Apublikavanaja infarmacyja nie adpaviadaje rečaisnaści i nanosić surjoznuju škodu majoj reputacyi, a taksama reputacyi Fondu.

Zhodna z vašymi publikacyjami, ja byŭ pradstaŭleny jak «ahient KDB», što źjaŭlajecca chłuśnioj. Ja nikoli nie byŭ ahientam abo štatnym supracoŭnikam KDB. Vašyja śćviardžeńni niepraŭdzivyja. Maja dapamoha biełaruskamu kontrvyviedu zaŭsiody była nakiravana na karyść Biełarusi. Infarmacyja, jakoj ja dzialiŭsia, tyčyłasia vyklučna pytańniaŭ kantaktaŭ biełaruskich hramadzian z zamiežnymi słužbami i mahčymych niezakonnych dziejańniaŭ na terytoryi Respubliki Biełaruś.

Vy całkam ihnarujecie toj fakt, što ŭ toj ža čas ja aktyŭna i paśpiachova zajmaŭsia prabiełaruskaj hramadskaj dziejnaściu, u tym liku:

Arhanizoŭvaŭ kampanii pa padtrymcy biełaruskaj movy i kultury, karystajučysia padtrymkaj dziaržaŭnych orhanaŭ. Pry hetym ja nakiroŭvaŭ atrymanyja dziaržaŭnyja srodki na raźvićcio apazicyjnaj dziejnaści i dapamohu patrabujučym.

Zabiaśpiečvaŭ biaśpieku moładzi BCHD i jaje lidaraŭ, dziakujučy čamu ŭsie jany paśpiachova skončyli VNU i atrymali pracu.

Spryjaŭ kolkasnamu pavieličeńniu składu MCHD i palapšeńniu jakaści jaje pracy. U vyniku Mahiloŭskaja supołka stała samaj vialikaj i aktyŭnaj u Biełarusi paśla razhromu ŭ śniežni 2010 hoda.

Spryjaŭ biaśpiecy katalickaj supolnaści ŭ Mahiloŭskaj vobłaści i biełaruskich palakaŭ. Dziakujučy hetamu ksiandzy-palaki zmahli zastacca słužyć u Biełarusi, niahledziačy na pretenzii z boku ŭładaŭ. Akramia taho, ja asabista achviarna dapamahaŭ Kaściołu.

Vyrašaŭ prablemy zabudovy katalickich mohiłak u Białyničach i inšyja miascovyja sacyjalnyja prablemy ŭ Mahilovie i Białyničach.

Uvieś hety čas ja, u tym liku, pracavaŭ pa raźmierkavańni na dźviuch staŭkach u škołach Białynickaha rajona, byŭ kłasnym kiraŭnikom u samym składanym kłasie, a taksama adsłužyŭ u vojsku pa ŭłasnym žadańni.

Maja historyja skončyłasia jašče ŭ 2016 hodzie, i praciahvać nazyvać mianie «ahientam KDB» praz šmat hadoŭ — heta śviadomaje raspaŭsiudžvańnie niepraŭdzivaj infarmacyi. U vas niama dakładnaj infarmacyi, što ja rabiŭ śpiecyjalnyja spravazdačy pa spravie Paŭła Łatuški ci mahiloŭskich studentaŭ. Nie było nijakich spravazdač, tolki adkazy na pytańni biełaruskich słužbaŭ, jakija tyčylisia inšych asob u ramkach adzinaj temy — mahčymaj viarboŭki zamiežnymi słužbami.

Na siońniašni dzień ja nie maju na rukach nivodnaha aficyjnaha dakumienta z pretenzijami z boku ŭładaŭ Polščy ci Litvy.

Vašy artykuły źmiaščajuć niepraŭdzivyja śćviardžeńni, jakija nanosiać škodu majoj hodnaści, honaru i dziełavoj reputacyi. Ja patrabuju, kab redakcyja nieadkładna apublikavała abviaržeńnie i pryniesła publičnyja prabačeńni. U advarotnym vypadku, ja pakidaju za saboj prava źviarnucca ŭ sud dla abarony maich pravoŭ i zakonnych intaresaŭ.

Z pavahaj,

Jaŭhien Dudkin

• 7
• 1
• 5
• 16
• 1
• 0
• 3
• 0