Jaŭhien Dudkin: Ja byŭ sakretnym supracoŭnikam KDB. Ale tolki da 2016 hoda
A jak pierajechaŭ u Polšču, kaža, kinuŭ durnoje.
Dniami «Naša Niva» pisała pra toje, što adzin ź lidaraŭ partyi BCHD Jaŭhien Dudkin pryznaŭsia, što źjaŭlajecca daŭnim ahientam KDB. Krynicy «NN» adznačali, što Dudkin nibyta pryznaŭsia, što byŭ zavierbavany jašče padčas vučoby ŭ Mahiloŭskim univiersitecie ŭ kancy 2000-ch ci pačatku 2010-ch.
Ciapier i sam Dudkin rašyŭsia na publičnaje pryznańnie ŭ sacsietkach.
«Praŭda robić nas svabodnymi i maim abaviazkam jość nazvać publična toje, što ad vas schavaŭ.
Sapraŭdy, z vosieni 2009 da vosieni 2016 — 7 hadoŭ — ja byŭ sakretnym supracoŭnikam KDB Biełarusi i, siarod inšaha, davaŭ infarmacyju pra situacyju ŭ demakratyčnym ruchu ŭ Biełarusi.
Ale budučy ŭ Polščy z 2018, ja nie supracoŭničaŭ z vyšejuzhadanaj strukturaj i nijakuju infarmacyju nie pierakazvaŭ.
Za hety incydent, prašu i ŭ vas prabačeńnie.
Pryznaju, mnie nie chapiła siły voli paviedamić pra heta raniej. A na tydni mnoju zapłanavany vystup byŭ admienieny nie pa majoj pryčynie: išła pravierki majoj asoby», — napisaŭ Dudkin u fejsbuku.
U raniejšym kamientary «Našaj Nivie» Dudkin admaŭlaŭ svaju supracu z KDB. A zroblenuju im zajavu pra supracoŭnictva nazvaŭ «pravierkaj siabroŭ partyi».
* * *
Jaŭhien Dudkin — 36-hadovy palityčny dziejač u emihracyi. Ź Biełarusi jon, nastaŭnik pa adukacyi i rehijanalny aktyvist pa žyćci, źjechaŭ jašče ŭ 2018-m, asieŭ u Polščy jak ekanamičny mihrant. Apošnim časam jon źjaŭlaŭsia kiraŭnikom fondu «Biełaruskaja chryścijanskaja demakratyja» (Białoruska Chrześcijańska Demokracja.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary
Jašče nie vypravili na ziamlu praajcoŭ?