Jon vajavaŭ va USU z 2023 hoda.
U Kijevie siońnia raźvitalisia z zahinułym kalinoŭcam «Miesiacam».
«Jon prajšoŭ z nami plačom da plača vializny bajavy šlach. Niekalki miesiacaŭ tamu pierajšoŭ u 13-ju BrOP «Chartyja», ale ŭsio roŭna ličyŭ siabie častkaj vialikaj siamji Pałka imia Kastusia Kalinoŭskaha», — paviedamlaje Połk Kalinoŭskaha ŭ svaim telehram-kanale.
U jaho zastałasia žonka i dzicia, jakoje niadaŭna naradziłasia. Im źbirajuć dapamohu.
Biełarus vajavaŭ u składzie USU z 2023 hoda. Spačatku — jak bajavy miedyk, ratujučy žyćci pad Bachmutam, zatym słužyŭ u rocie ahniavoj padtrymki, paźniej — u sapiornym padraździaleńni. Z 2024 hoda jon słužyŭ u minamiotnym padraździaleńni — mienavita tam i zahinuŭ.
«U minamiotcy jon zajmaŭsia raźlikami i vielmi nam dapamahaŭ, — uspaminaje jaho pabracim. — Jaho amal niemahčyma zamianić. Jon navučaŭ ludziej sapiornaj spravie, miedycynie, zaŭsiody praviaraŭ aptečki i leki. Na im trymałasia mnohaje važnaje — ad analizu stralby da składanych raźlikaŭ. Časta mienavita jon znachodziŭ pryčyny, čamu stralba «nie idzie» — ci z-za pałomki minamiota, ci z-za niedachopu min».
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?4
Kamientary