U vydaviectvie «Miedyjał» ŭ sieryi «Kniharnia Staroha Mienska» vyjšła detektyŭnaja apovieść dla padletkaŭ 12+ «Zahadka srebnaha piarścionka» aŭtarstva Taćciany Šapućki. Siužet źviazany z pošukam skarbaŭ i archieałohijaj, piša bellit.info.
«Minski siamikłaśnik Maćviej znachodzić u škole staradaŭni srebny piarścionak. Vyjaŭlajecca, što jon skradzieny z Nacyjanalnaha archieałahičnaha centra razam z važnymi dakumientami pra biełaruskija kurhany. Maćviej razam ź siabrami pačynaje ŭłasnaje rasśledavańnie, u jakim im dapamahaje dziadźka Antoś, były supracoŭnik centra. Nitačka pryvodzić padletkaŭ u Rasonski rajon, dzie jany znachodziać niešta našmat bolš kaštoŭnaje…» — intryhuje anatacyja.
Usie histaryčnyja źviestki dy hieahrafičnyja nazvy, padadzienyja ŭ apovieści, nie vydumanyja a sapraŭdnyja. Heta robić knihu nie prosta zabaŭlalnaj, ale karysnaj usim, chto lubić vandravać dy vyvučać bahatuju historyju našaj radzimy.
Navinku možna nabyć u kniharni «Akademična kniha», «Knižnaja Šafa» i kramie «Rahna». A taksama ŭ muziei-siadzibie «Stary Miensk».
-
U Zasłaŭi nad ruinami bramy XVI stahodździa pabudujuć navies. Što viadoma pra ŭnikalny abjekt i čamu prapanavany prajekt — biessensoŭny i škodny
-
Na mohiłkach u Minsku źnieśli staryja kryžy i aharodžy. Zamiest ich staviać biezabličnyja bietonnyja padhałoŭniki
-
Da sarakavinaŭ pamiaci Śviatłany Kurs apublikavana raniej nie drukavanaje jaje ese «SSSR jak kałyska i mahiła»
Kamientary