«U 2020-m chtości prystaviŭ nož da horła kiroŭcy, a chtości puknuŭ». Lidar «Drazdoŭ» vielmi dziŭna pakajaŭsia za 2020 hod
Vital Karpanaŭ vielmi choča hastroli ŭ Minsku, ale tudy jaho pakul nie puskajuć.
U červieni hrupa «Drazdy» abviaściła, što spyniaje vystupleńni ŭ Biełarusi. Lidar kalektyvu Karpanaŭ tady abvinavaciŭ u pieraśledzie «hipieraktyŭnych błohieraŭ» — tut adčuvałasia danosčyca Volha Bondarava, jakaja viadzie suprać «Drazdoŭ» sapraŭdnuju śviaščennuju vajnu. Jana ličyć, što Karpanaŭ u 2020 hodzie padtrymaŭ pratesty.
Ale, jak vyhladaje, «Drazdy» viernucca da hastrolaŭ. Pryčym im dazvolać vystupać i ŭ abłasnych haradach, chacia raniej zabaraniali.
Karpanaŭ u intervju rasijskamu vydańniu «Sputnik» navat vyrašyŭ jašče raz publična pakajacca za «niapravilnuju» pazicyju ŭ 2020 hodzie. Dla hetaha muzyka vybraŭ niejkuju vielmi dziŭnuju alehoryju.
«Ja zhodny z krytykami, jakija zaraz skažuć: a vy sami vinavatyja! Ja ŭžo kazaŭ, prasiŭ prabačeńnie nie raz, kali mianie niapravilna razumieli ŭ tyja časy.
Ja dla siabie heta baču tak, kali my sami vinavatyja. Davaj tak. U 2020 hodzie my jechali ŭsie ŭ adnym vialikim aŭtobusie pa zadadzienym maršrucie. I voś niechta adzin vyrašyŭ prystavić nož da horła kiroŭcy maršrutki, aŭtobusa i skazaŭ: a ja chaču na mora! A ŭ hety čas ad strachu niechta puknuŭ. Sapsavaŭ pavietra.
Dyk voś nie treba źmiešvać vinu tych, chto puknuŭ ad strachu, i tych, chto padstaviŭ nož. Heta roznyja stupieni adkaznaści. I ŭ hetym płanie davajcie raźbiaromsia. Davajcie tych, chto puknuŭ prosta, vierniem u stroj. Tamu što ŭsia kraina pakutuje z-za taho, što niechta ad strachu krychu paddaŭ u štany», — vykazaŭsia Karpanaŭ.
Niahledziačy na publičnyja pakajańni i vystupy z čyrvona-zialonym ściaham, u Minsk «Drazdoŭ» pakul nie puskajuć.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary
I padumajcie jašče: kali ŭ tvorcy ŭ hałavie fiekalnaja tematyka, jakimi słovami dumajuć čynoŭniki i karniki.