Hurt «Drazdy» pakidaje scenu i vinavacić u hetym «hipieraktyŭnych błohieraŭ»
U kancy maja biełaruski hurt «Drazdy» abviaściŭ pra raźvitalnaje turne, jakoje projdzie letam 2025 hoda i nibyta stanie zaviaršeńniem 20-hadovaj tvorčaj dziejnaści kalektyvu. Ciapier u intervju rasijskamu vydańniu Sputnik kiraŭnik hurta Vital Karpanaŭ patłumačyŭ pryčyny takoha rašeńnia.
«My razumiejem, što tak dalej nielha. My stamilisia, viadoma. Stamiŭsia, chutčej za ŭsio, naš słuchač, tamu što niekatoryja ludzi prychodziać pa 15 razoŭ na naš kancert. Ale my nie majem mahčymaści hrać u abłasnych haradach: u nas jość ciažkaści ŭ parazumieńni z-za hipieraktyŭnych błohieraŭ, jakija na siońnia — užo nie budziem chavać — navat admatali termin», — zajaviŭ Vital Karpanaŭ.
Proźviščy błohieraŭ nie nazyvajucca, ale možna mierkavać, što majucca na ŭvazie Volha Bondarava i jaje paplečniki. Niahledziačy na padkreślena praŭładnuju pazicyju hurta i asabista Vitala Karpanava, u tym liku i ŭ 2020 hodzie, «Drazdy» padviarhalisia atakam z boku Bondaravaj, pryčynaj čaho stała šyrokaje vykarystańnie ŭ ich tvorčaści biełaruskaj movy.
Jak viadoma, u kancy sakavika Volhu Bondaravu zatrymali, paśla čaho jana adbyła administracyjny aryšt u 13 sutak. Taksama jaje adličyli ź Minskaha pieduniviersiteta.
Hurt «Drazdy» abjaviŭ pra raźvitalnyja hastroli
Prapahandysty prydumali, jak padniać siało — zabaranić hurt «Drazdy» i nijakich kłubaŭ, bo pracavać treba
Volha Bondarava zrabiła «Drazdoŭ» «Dziatłami» za pieśniu na biełaruskaj movie, jakuju śpiavali pry Łukašenku
Saładucha pryznaŭsia, što jaho «dziaruć na šmatki»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Na etom dvorie, v favorie i uvažienii vsio moskovskoje, vsio russkoho mira, a svojo v tiuŕmie i pod zaprietom!