Biełaruski hurt «Drazdy» abviaściŭ pra raźvitalnaje turne, jakoje projdzie letam 2025 hoda i nibyta stanie zaviaršeńniem 20-hadovaj tvorčaj dziejnaści kalektyvu.
Frantmen hurta, 43-hadovy Vital Karpanaŭ napisaŭ u instahramie:
«Drazdam 20 hod! U hetym hodzie my dadzim šerah raźvitalnych šoŭ! Dziakuj usim, chto byŭ z nami».
Choć heta ŭsio padajecca jak ščyraje raźvitańnie, niekatoryja prychilniki miarkujuć, što taki zvarot moža być markietynhavym chodam, kab pryciahnuć uvahu i pradać bolš kvitkoŭ. Darečy, košt ich nievysoki — naprykład, u Maładziečnie na kancert 12 lipienia kvitki kaštujuć 30—40 biełaruskich rubloŭ.
Hurt byŭ stvorany ŭ 2005 hodzie i chutka staŭ viadomym u Biełarusi. Asabliva papularny jon u pravincyjnych haradach i miastečkach, u jakich časta vystupaje z kancertami. Šmat piesień hurta — na biełaruskaj movie. Samaja viadomaja i papularnaja pieśnia — «Chata baćkoŭ», napisanaja ŭ 2021 hodzie. Jaje aficyjnaja viersija nabrała 4,6 miljona prahladaŭ na YouTube.
Hurt «Drazdy» i asabista Vital Karpanaŭ zajmali padkreślena praŭładnuju pazicyju. Nie staŭ vyklučeńniem i 2020 hod, kali hurt udzielničaŭ u masavych praŭładnych mierapryjemstvach, u tym liku z udziełam samoha Łukašenki. Heta, adnak, nie zaścierahło «Drazdoŭ» ad atak z boku prarasijskich aktyvistaŭ kštałtu Volhi Bondaravaj, pryčynaj čaho stała šyrokaje vykarystańnie ŭ ich tvorčaści biełaruskaj movy.
Volha Bondarava zrabiła «Drazdoŭ» «Dziatłami» za pieśniu na biełaruskaj movie, jakuju śpiavali pry Łukašenku
«Niaviestka Łukašenki 200 pieśniaŭ napisała. Biarycie, śpiavajcie». Prapahanda azadačyłasia, jak by im stvaryć svoj papularny biełaruskamoŭny hurt
Prapahandysty prydumali, jak padniać siało — zabaranić hurt «Drazdy» i nijakich kłubaŭ, bo pracavać treba
Kamientary