Беларускі гурт «Дразды» абвясціў пра развітальнае турнэ, якое пройдзе летам 2025 года і нібыта стане завяршэннем 20-гадовай творчай дзейнасці калектыву.
Франтмэн гурта, 43-гадовы Віталь Карпанаў напісаў у інстаграме:
«Драздам 20 год! У гэтым годзе мы дадзім шэраг развітальных шоў! Дзякуй усім, хто быў з намі».
Хоць гэта ўсё падаецца як шчырае развітанне, некаторыя прыхільнікі мяркуюць, што такі зварот можа быць маркетынгавым ходам, каб прыцягнуць увагу і прадаць больш квіткоў. Дарэчы, кошт іх невысокі — напрыклад, у Маладзечне на канцэрт 12 ліпеня квіткі каштуюць 30—40 беларускіх рублёў.
Гурт быў створаны ў 2005 годзе і хутка стаў вядомым у Беларусі. Асабліва папулярны ён у правінцыйных гарадах і мястэчках, у якіх часта выступае з канцэртамі. Шмат песень гурта — на беларускай мове. Самая вядомая і папулярная песня — «Хата бацькоў», напісаная ў 2021 годзе. Яе афіцыйная версія набрала 4,6 мільёна праглядаў на YouTube.
Гурт «Дразды» і асабіста Віталь Карпанаў займалі падкрэслена праўладную пазіцыю. Не стаў выключэннем і 2020 год, калі гурт удзельнічаў у масавых праўладных мерапрыемствах, у тым ліку з удзелам самога Лукашэнкі. Гэта, аднак, не засцерагло «Драздоў» ад атак з боку прарасійскіх актывістаў кшталту Вольгі Бондаравай, прычынай чаго стала шырокае выкарыстанне ў іх творчасці беларускай мовы.
Вольга Бондарава зрабіла «Драздоў» «Дзятламі» за песню на беларускай мове, якую спявалі пры Лукашэнку
«Нявестка Лукашэнкі 200 песняў напісала. Бярыце, спявайце». Прапаганда азадачылася, як бы ім стварыць свой папулярны беларускамоўны гурт
Прапагандысты прыдумалі, як падняць сяло — забараніць гурт «Дразды» і ніякіх клубаў, бо працаваць трэба
Цяпер чытаюць
Дрон прыляцеў у пасажырскі аўтобус на мяжы Расіі і Беларусі6
Дрон прыляцеў у пасажырскі аўтобус на мяжы Расіі і Беларусі
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца44
Каментары