Старшыня Мінгарвыканкама Уладзімір Кухараў паведаміў пра планы па стварэнні трэцяга транспартнага кола ў Мінску. Паводле яго слоў, праект плануюць рэалізаваць на працягу найбліжэйшых трох гадоў.
Уладзімір Кухараў адзначыў, што транспартная лагістыка застаецца адным з галоўных пытанняў для сталіцы. У Мінску зарэгістравана каля 900 тысяч аўтамабіляў, а штодня ў горад дадаткова ўязджае больш за 200 тысяч машын.
Цяпер у сталіцы ёсць два транспартныя колы і МКАД. Новае, трэцяе кола павінна забяспечыць больш зручнае перамяшчэнне транспарту па горадзе.
Па словах Кухарава, асноўныя праблемныя ўчасткі звязаныя з месцамі, дзе дарогі перасякаюцца з чыгуначнымі рэйкамі і ракой Свіслаччу і дзе пакуль не стае эстакад.
Будаўніцтва аднаго з іх — на скрыжаванні вуліц Калеснікава і Ціміразева — ужо пачалося. Закончыць работы там плануюць у 2026 годзе.
Акрамя гэтага, для паўнавартаснага функцыянавання трэцяга транспартнага кальца плануюць пабудаваць яшчэ тры эстакады. Яны павінны забяспечыць бесперапынны рух транспарту без перасячэнняў з чыгункай і іншымі перашкодамі.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары