U Polščy vypracavali rekordnuju kolkaść enierhii ad soniečnych batarej
Palaki chutkimi tempami iduć da niezaležnaści ad rasijskich enierhanośbitaŭ, piša vydańnie Business Insider.
Čym bolš enierhii z adnaŭlalnych krynic, tym mienš hazu abo vuhalu treba dla enierhietyki. U Polščy fotaelektryčnyja paneli ŭsio ščylniej zapaŭniajuć dachi damoŭ. Pastaŭleny histaryčnyja rekordy. 14 lutaha «soniečnyja batarei» vypracavali rekordnyja 4,5 HVt·h enierhii, i heta jašče nie miaža.
U studzieni vietraki vypracavali 16,9% ahulnaha abjomu vytvorčaści enierhii ŭ Polščy, a ŭ lutym — ažno 19,4%.
Adnak z 26 lutaha było značna mienš vietranaje nadvorje. U sakaviku pakul tolki 6,1% ahulnaj enierhii vypracavana vietrakami. Takim čynam, kab vyrablać dastatkovuju kolkaść elektraenierhii polskaja enierhietyka spažyvała apošnimi dniami bolš vuhalu i hazu.
Najlepšy efiekt dasiahajecca, kali viecier dapaŭniajuć fotaelektryčnyja paneli, ustalavanyja jak na vialikich «soniečnych fiermach», tak i na dachach tysiač damoŭ. U paniadziełak 14 sakavika, byŭ pabity histaryčny rekord pa vytvorčaści enierhii ad sonca za adnu hadzinu.
Pamiž 12 i 13 hadzinami fotaelektryčnyja paneli vypracavali ažno 4,5 HVt·h elektraenierhii, što skłała ažno 20,3% enierhii, jakaja vyrablałasia ŭ hety čas u Polščy. Letaś rekord fotaelektryki skłaŭ 3,4 HVt·h, a pazaletaś — tolki 1,7 HVt·h.
Jak miarkujecca, u 2023 hodzie Polšča zmoža całkam admovicca ad rasijskaha hazu.
«Biełkamunmaš» zrabiŭ ułasny elektrahruzavik
Nievyčarpalnaja krynica enierhii: navukoŭcy dakazali mahčymaść stvareńnia termajadziernych AES
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary