«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia
Čaćviortaje leta vajny nie pryniesła pośpiechaŭ rasijskaj armii. Bolšaść metaŭ, jakija Maskva staviła na kampaniju z krasavika pa žnivień 2025 hoda, zastalisia nierealizavanymi, ličyć vajenny ahladalnik «Bild» Julijan Ropkie.
U Danieckaj vobłaści rasijskija vojski biezvynikova sprabavali ŭziać Pakroŭsk. Niahledziačy na praryŭ u centr horada ŭ žniŭni, praz try tydni ŭsie rasijskija padraździaleńni byli źniščanyja abo trapili ŭ pałon.
Na paŭnočnym napramku płany Uładzimira Pucina pa stvareńni «pojasa biaśpieki» ŭ Čarnihaŭskaj, Sumskaj i Charkaŭskaj abłaściach taksama sarvalisia: pad kantrolem Rasii apynułasia mienš za 70 kiłamietraŭ terytoryi ŭzdoŭž miažy.
Na poŭdni, u Chiersonskaj i Zaparožskaj abłaściach, front zastaŭsia stabilnym, i Kreml vymušany byŭ faktyčna admovicca ad płanaŭ nastupleńnia.
Pry hetym Ukraina ŭzmacniła ŭdary bieśpiłotnikami pa rasijskich naftapierapracoŭčych zavodach — da 1200 kiłamietraŭ uhłyb terytoryi RF. Pavodle źviestak ekśpiertaŭ, z pačatku hoda Ukraina vyvieła z ładu 17% mahutnaściaŭ rasijskich NPZ, što vyklikała rost cen i deficyt paliva ŭnutry krainy.
Usiaho za leta Rasija zachapiła tolki 1800 kvadratnych kiłamietraŭ — kala 0,3% ukrainskaj terytoryi.
Prezident Uładzimir Zialenski zajaviŭ, što hatovy da abmierkavańnia pieramirja, ale nie kapitulacyi, jak taho patrabuje Maskva.
«Pierš za ŭsio, rearhanizacyja ŭkrainskaj armii navodzić paradak u šerahach. Siarod rasijan ža, naadvarot, nazirajecca peŭnaja stoma. Tym nie mienš zimoj, kali ziamla pramierźnie, a liście apadzie z dreŭ, što źnizić abaronu ad bieśpiłotnikaŭ, rasijanie mohuć pasprabavać znoŭ pierajści ŭ nastupleńnie», — adznačyŭ u razmovie z «Bild» vajenny ekśpiert Hustaŭ Hresiel.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
apynucca sov. očutiťsia, okazaťsia // Biełaruska-rasiejski (Krapiva)