«Сярод расіян назіраецца стома». Летняе наступленне расійскай арміі ва Украіне правалілася
Чацвёртае лета вайны не прынесла поспехаў расійскай арміі. Большасць мэтаў, якія Масква ставіла на кампанію з красавіка па жнівень 2025 года, засталіся нерэалізаванымі, лічыць ваенны аглядальнік «Більд» Юліян Ропке.
У Данецкай вобласці расійскія войскі безвынікова спрабавалі ўзяць Пакроўск. Нягледзячы на прарыў у цэнтр горада ў жніўні, праз тры тыдні ўсе расійскія падраздзяленні былі знішчаныя або трапілі ў палон.
На паўночным напрамку планы Уладзіміра Пуціна па стварэнні «пояса бяспекі» ў Чарнігаўскай, Сумскай і Харкаўскай абласцях таксама сарваліся: пад кантролем Расіі апынулася менш за 70 кіламетраў тэрыторыі ўздоўж мяжы.
На поўдні, у Херсонскай і Запарожскай абласцях, фронт застаўся стабільным, і Крэмль вымушаны быў фактычна адмовіцца ад планаў наступлення.
Пры гэтым Украіна ўзмацніла ўдары беспілотнікамі па расійскіх нафтаперапрацоўчых заводах — да 1200 кіламетраў углыб тэрыторыі РФ. Паводле звестак экспертаў, з пачатку года Украіна вывела з ладу 17% магутнасцяў расійскіх НПЗ, што выклікала рост цэн і дэфіцыт паліва ўнутры краіны.
Усяго за лета Расія захапіла толькі 1800 квадратных кіламетраў — каля 0,3% украінскай тэрыторыі.
Прэзідэнт Уладзімір Зяленскі заявіў, што гатовы да абмеркавання перамір’я, але не капітуляцыі, як таго патрабуе Масква.
«Перш за ўсё, рэарганізацыя ўкраінскай арміі наводзіць парадак у шэрагах. Сярод расіян жа, наадварот, назіраецца пэўная стома. Тым не менш зімой, калі зямля прамерзне, а лісце ападзе з дрэў, што знізіць абарону ад беспілотнікаў, расіяне могуць паспрабаваць зноў перайсці ў наступленне», — адзначыў у размове з «Більд» ваенны эксперт Густаў Грэсель.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ16
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
апынуцца сов. очутиться, оказаться // Беларуска-расейскі (Крапіва)