Міністэрства антыманапольнай палітыкі і гандлю высветліла, што ў Гродзенскай універсітэцкай клініцы пры разліку тарыфу на нерэгуляваную медыцынскую паслугу выкарыстоўваўся ўзровень рэнтабельнасці ажно 960%.
Клініка ўвяла платную паслугу ўвядзення лекавых прэпаратаў у шклопадобнае цела вока ў выхадныя і святочныя дні. Гэта тлумачылася імкненнем павысіць даступнасць медыцынскай дапамогі.
Пацыент, якому патрэбная такая працэдура, акрамя дарагога прэпарату коштам ад 400 да 500 рублёў, павінен заплаціць яшчэ 280 рублёў за яго ўвядзенне. Адпаведныя захворванні — узроставая макуладэгенерацыя, дыябетычная рэтынапатыя і трамбоз цэнтральнай вены сятчаткі — часцей выяўляюцца ў людзей ва ўзросце ад 50 да 70 гадоў.
Для фармавання больш абгрунтаваных тарыфаў Мінгандлю накіравала інфармацыю ў Міністэрства аховы здароўя. Ведамству прапанавана прааналізаваць, як фармуюцца цэны на такую паслугу ў іншых установах аховы здароўя, і пры неабходнасці прыняць адпаведныя меры.
Акрамя таго, міністэрства правёў маніторынг сайта tabletka.by, каб праверыць змяненне коштаў на 123 лекавыя прэпараты. Прыкладна на 100 найменняў цэны ў параўнанні з папярэднім месяцам не змяніліся. Для некаторых прэпаратаў кошт знізіўся на 0,1—6,7%.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары