Saviet Ministraŭ pryniaŭ pastanovu №454 ad 22 žniŭnia 2025 hoda, jakaja ŭnosić źmieny ŭ praviły dla arhanizataraŭ kulturna-vidoviščnych mierapryjemstvaŭ, u tym liku kancertaŭ i fiestyvalaŭ. Tekst dakumienta apublikavany na Nacyjanalnym pravavym partale.
Pastanova vyznačaje novy paradak farmiravańnia i viadzieńnia rejestra arhanizataraŭ mierapryjemstvaŭ. U dakumiencie padrabiazna apisvajecca, jakija subjekty pavinny być uklučanyja ŭ rejestr, jakija patrabavańni i pracedury treba vykonvać, a taksama jakija vidy dziejnaści mohuć ažyćciaŭlać arhanizatary.
Ciapier pravam praviadzieńnia mierapryjemstvaŭ z udziełam biełaruskich abo zamiežnych vykanaŭcaŭ vałodajuć tolki arhanizatary, jakija ŭniesienyja ŭ rejestr. Pry hetym pastanova vyznačaje vypadki, kali patrabavańni rejestra nie raspaŭsiudžvajucca na mierapryjemstvy z udziełam vyklučna biełaruskich vykanaŭcaŭ.
U dakumiencie taksama prapisanyja abaviazki arhanizataraŭ, uklučajučy:
- najaŭnaść vypiski z rejestra;
- realizacyju ŭvachodnych biletaŭ;
- vydaču drukavanaj pradukcyi i inš.
Arhanizatary, jakija ŭžo ŭklučanyja ŭ rejestr, pavinny ŭ vyznačany termin — adzin miesiac paśla ŭstupleńnia pastanovy ŭ siłu, — padać u Ministerstva kultury nieabchodnyja dakumienty. Pastanova ŭstupaje ŭ siłu praz 10 dzion paśla aficyjnaha apublikavańnia.
Hurtu «Drazdy», jaki źbiraŭsia kidać scenu praz zabaronu vystupać u bujnych haradach, dazvolili abłasnyja centry. Ale nie Minsk
«Kranalny momant — kali płačuć mužčyny». Minčanka kupiła dom u vioscy — ładzić tam muzyčnyja kancerty i dresiruje poni
«Pišuć, što vinavataja ŭłada». Siłaviki kašmarać hrodziencaŭ, niezadavolenych zabaronaj kancertaŭ u centralnych dvorykach
Jak kampanija niaviestki Łukašenki zarablaje miljony tolki na radyjo
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary