Jak kampanija niaviestki Łukašenki zarablaje miljony tolki na radyjo
«Biuro» vyvučyła buchhałtarskuju spravazdačnaść firmy «Muzyčnaja častata» i vyśvietliła, što za 2024 hod jaje čysty prybytak skłaŭ amal 2,9 miljona biełaruskich rubloŭ, abo amal 820 tysiač jeŭra.
49% «Muzyčnaj častaty» kantraluje «Muzyčnaja miedyjakampanija». 21% znachodzicca va ŭłasnaści Respublikanskaha kulturna-aśvietnickaha centra Kiraŭnictva spraŭ Łukašenki (kancertny zał «Minsk»). Jašče 30% — u dziaržpradpryjemstva «Dom presy», jakoje naležyć Ministerstvu infarmacyi.
Hienieralnaja pradziusarka «Muzyčnaj miedyjakampanii» — niaviestka Alaksandra Łukašenki Hanna, bolš viadomaja jak aŭtarka tekstaŭ piesień pad psieŭdanimam Hanna Siałuk.
«Muzyčnaja častata» zapuściła ŭ Biełarusi dźvie radyjostancyi — «Dušeŭnaje radyjo» i «Supier FM» — i pradaje tam rekłamu.
Košt rekłamnaj chviliny na «Dušeŭnym radyjo» vahajecca ad 195 da 260 rubloŭ.
«Supier FM», pavodle źviestak daśledavańniaŭ, našmat mienš papularnaje ŭ biełaruskich radyjosłuchačoŭ — na 21-m radku, tamu i rascenki na rekłamu bolš ścipłyja — 100 rubloŭ za chvilinu efirnaha času.
Pavodle dadzienych daśledavańnia ZAT «MiedyjaVymiaralnik» za lipień — śniežań 2024 hoda, «Dušeŭnaje radyjo» ŭvajšło ŭ piaciorku samych papularnych radyjostancyj krainy.
Akramia rekłamnych intehracyj «Muzyčnaja častata» zapuściła kamiercyjny prajekt — «Dušeŭny fiestyval». Jon pravodzicca ŭ Minsku ŭžo druhi hod zapar i ŭklučaje ŭ siabie sieryju z troch kancertaŭ: «Dušeŭny šanson», «Duša narodnaja» i retradyskateku «Tancplacoŭka».
«Biuro» taksama znajšło jašče adzin novy prajekt «Muzyčnaj miedyjakampanii» — «Radyjochit.baj» — muzyčny partał i anłajn-radyjostancyju, u efiry jakoj hučać vyklučna biełaruskija vykanaŭcy — pieravažna artysty, raskrutkaj jakich zajmajecca pradakšn Hanny Łukašenki.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie3
Kamientary