U Gazeta Wyborcza źjaviŭsia zvarot palakaŭ da Tuska, u jakim rezka asudžajucca departacyi paśla kancerta Karža
«Departacyja ŭ Biełaruś i Ukrainu asob źjaŭlajecca varvarstvam». U Gazeta Wyborcza źjaviŭsia ananimny zvarot hramadzian Polščy da premjer-ministra Polščy Donalda Tuska, u jakim rezka asudžajucca departacyi biełarusaŭ i ŭkraincaŭ paśla kancerta Maksa Karža.
«Vaša abiacańnie stałasia faktam, što zdarajecca niačasta — abiacanyja departacyi ŭkraincaŭ i biełarusaŭ jakraz adbyvajucca.
Siarod mnohich našych čakańniaŭ, datyčnych, naprykład, admieny niekanstytucyjnych zakonaŭ i rasparadžeńniaŭ, humannaha staŭleńnia da ludziej na biełaruskaj miažy, zachavańnia pravoŭ žančyn, asob ź invalidnaściu, niehieteranarmatyŭnych asob, pryciahnieńnia da adkaznaści vinavatych u parušeńni prava, u tym liku taho, jakoje na našych ułasnych śpinach było złamana, adnaŭleńnia pryncypaŭ pravaparadku i kanstytucyjnych normaŭ, jakija pavinny byli ŭ Polščy harantavać, — mienavita departacyj ŭkraincaŭ i biełarusaŭ my nie čakali. <…> Heta jaŭnaje biezzakońnie, učynienaje pa vašym asabistym zahadzie», — havorycca ŭ liście.
Ananimnyja aŭtary zvarotu da Tuska davodziać, što departacyja ŭ Biełaruś i Ukrainu asob za ŭčynieńnie pravaparušeńnia źjaŭlajecca varvarstvam:
«Departacyja z-za pravaparušeńnia asob, čyja dziaržava viadzie vajnu za vyžyvańnie, źjaŭlajecca zvyčajnym varvarstvam.
Varvarstvam taksama źjaŭlajecca departacyja ŭ dziaržavu, jakaja źniavolvaje, katuje i zabivaje ŭłasnych hramadzian, jak heta adbyvajecca ŭ Biełarusi».
Aŭtary lista miarkujuć, što departavanyja ŭkraincy znachodziacca ŭ bolšaj biaśpiecy, čym biełarusy: «Departavanyja ŭkraincy, niahledziačy na vajnu i bambardziroŭki, jakija praciahvajucca va Ukrainie, znachodziacca ŭ lepšaj situacyi, čym mnohija inšyja asoby, jakich vy hetak ža niezakonna vyšturchvajecie za biełaruskuju miažu. Jany majuć usie šancy vyžyć, a na biełaruskaj miažy ludzi hinuć taksama padčas vašaj kadencyi, i heta na vas uskładaje adkaznaść za ich śmierć».
Aŭtary ličać dziejańni polskich uładaŭ «aplavuchaj dla zvyčajnaj prystojnaści» i parušeńniem pravoŭ čałavieka.
«Vašy dziejańni ŭ roŭnaj stupieni źjaŭlajucca krajnim parušeńniem asnoŭnych pravoŭ čałavieka, pahrozaj dla niezaležnaści sudoŭ, źjaŭlajucca taksama aplavuchaj dla zvyčajnaj prystojnaści, parušeńniem lubych etyčnych normaŭ, źniščeńniem vialikich namahańniaŭ mnostva hodnych ludziej, jakija doŭhija hady ŭ roznyja epochi zmahalisia za toje, kab polskaja dziaržava spryjała chutčej prystojnaści, a nie podłaści», — havorycca ŭ liście.
U Polščy pačali departavać zatrymanych na kancercie Maksa Karža
Paśla kancerta Maksa Korža ŭ Varšavie zatrymali 13 biełarusaŭ, siemiarych — pa kryminalnych spravach
Paźniak žorstka vykazaŭsia pra Karža: Antyestetyčnaje, antymastackaje šarłatanstva, raźličanaje na dehienieratyŭnaje ŭspryniaćcie
«Uschodni hihant», a sceny na kancercie — «vartyja Dante». Jak upłyvovaje polskaje vydańnie raskazała pra Maksa Karža palakam
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami44
Kamientary