Sibiha: Kijeŭ hatovy da sustreč u lubych farmatach i hieahrafičnych rehijonach
Ministr zamiežnych spraŭ Ukrainy Andrej Sibiha padčas telefonnaj razmovy ź dziaržaŭnym sakratarom ZŠA Marka Rubia i jeŭrapiejskimi kalehami patłumačyŭ pazicyju Ukrainy adnosna harantyj biaśpieki i dalejšych krokaŭ na šlachu da miru, piša Bi-bi-si.
Pa słovach Sibihi, Kijeŭ hatovy zrabić nastupnyja kroki da miru.
«My hatovy da sustreč na ŭzroŭni lidaraŭ u lubych farmatach i hieahrafičnych rehijonach. My hatovy spynić zabojstvy i dać dypłamatyi šaniec. Maskva pavinna viedać, što nie moža biaskonca ciahnuć čas. Kali Rasija praciahnie admaŭlać značnyja, kanstruktyŭnyja kroki da miru, joj daviadziecca sutyknucca z nastupstvami: surjoznym uzmacnieńniem sankcyj i ŭmacavańniem patencyjału Ukrainy», — napisaŭ kiraŭnik ukrainskaha źniešniepalityčnaha viedamstva ŭ X.
Što da harantyj biaśpieki Ukrainy, Sibiha paviedamiŭ, što paćvierdziŭ pazicyju Kijeva pra toje, što takija harantyi pavinny być kankretnymi, jurydyčna abaviazalnymi i efiektyŭnymi.
«Jany pavinny być šmatmiernymi, uklučajučy vajenny, dypłamatyčny, pravavy i inšyja ŭzroŭni. My ŭsie pierakananyja, što ŭkrainskaja armija źjaŭlajecca fundamientalnym źvianom lubych takich harantyj, tamu jaje maksimalnaje ŭmacavańnie — naš hałoŭny pryjarytet», — adznačyŭ kiraŭnik MZS Ukrainy.
Kamientary