Ukrainskija ataki pa rasijskich NPZ vyvieli z ładu kala 17% mahutnaściaŭ
Apošnim časam Ukraina ŭzmacniła ataki bieśpiłotnikami na rasijskija naftapierapracoŭčyja zavody i ekspartnyja terminały. Hetyja abjekty źjaŭlajucca klučavymi dla ekanomiki Rasii, jakaja šmat u čym trymajecca na eksparcie nafty i hazu. Pavodle padlikaŭ Reuters, za apošnija dni ŭdary pa 10 pradpryjemstvach vyvieli z ładu kala 17% rasijskich pierapracoŭčych mahutnaściaŭ — heta prykładna 1,1 miljona barelaŭ u dzień.
Takija dziejańni stali adkazam Kijeva na nastupleńnie rasijskich vojskaŭ i ataki pa ŭkrainskaj enierhietyčnaj infrastruktury.
Analityki adznačajuć: takim čynam Ukraina nie tolki demanstruje svaju zdolnaść davać adkaz, ale i pavyšaje staŭki pierad mahčymymi mirnymi pieramovami, asabliva paśla niadaŭniaj sustrečy prezidentaŭ ZŠA i Rasii Donalda Trampa i Uładzimira Pucina na Alascy.
Pažary i paškodžańni na zavodach supali ź pikavym siezonam spažyvańnia paliva ŭ Rasii — letnim turystyčnym pieryjadam i aktyŭnymi sielskahaspadarčymi rabotami. Užo ciapier u niekatorych rehijonach krainy i na akupavanych Rasijaj terytoryjach Ukrainy adznačajucca prablemy z zabieśpiačeńniem bienzinam. Ludzi vymušanyja kuplać daražejšyja marki paliva, bo zvyčajny A-95 u deficycie.
U akupavanym Sievastopali žychary skardziacca, što rost cen mocna bje pa siamiejnych biudžetach. U dalokaŭschodnim Uładzivastoku žurnalisty zafiksavali vializnyja čerhi na zapraŭkach, dzie ŭłady patłumačyli situacyju siezonnym prytokam turystaŭ.
Rasija atrymlivaje kala čverci biudžetnych dachodaŭ ad nafty i hazu. U 2025 hodzie na vajskovyja patreby kraina vydatkoŭvaje na 25% bolš srodkaŭ, čym raniej — heta rekordnyja pakazčyki z časoŭ «chałodnaj vajny». Pry hetym sankcyi Zachadu prymušajuć Maskvu pradavać naftu sa źnižkami, a taksama amal całkam spynić pastaŭki hazu ŭ Jeŭropu.
Ukrainskija ŭdary ŭžo zakranuli bujnyja pradpryjemstvy — NPZ «Łukojła» ŭ Vałhahradzie, zavod «Rasnafty» ŭ Razani, a taksama abjekty ŭ Rastoŭskaj, Samarskaj, Sarataŭskaj abłaściach i Krasnadarskim krai. Pažar paśla ataki pa Navašachcinskamu zavodu praciahvaŭsia niekalki dzion. Taksama pad udary trapili naftapravod «Družba» i ekspartny terminał kampanii «Navatek» va Uść-Łuzie na Bałtycy.
«Kroŭ vajny». Čym važnyja ataki Ukrainy na rasijskija NPZ i ci jość ad hetaha efiekt
«Siarod rasijan nazirajecca stoma». Letniaje nastupleńnie rasijskaj armii va Ukrainie pravaliłasia
Ukrainskaja raźviedka: Biełaruś nie choča pakryvać rasijski paliŭny deficyt
U Vienhryi rascanili ŭśmiešlivy adkaz Zialenskaha adnosna naftapravoda «Družba» jak pahrozy Budapieštu
«Ukrainskija dzieci nie vinavatyja ŭ tym, što robić były akcior». U Vienhryi zajavili, što mohuć spynić pastaŭki elektryčnaści ŭ Ukrainu, ale pakul nie buduć
Kamientary