EHU papiaredziŭ biełarusaŭ pra miery biaśpieki paśla pryznańnia svaich resursaŭ «ekstremisckimi»
Jeŭrapiejski humanitarny ŭniviersitet, čyj sajt i sacyjalnyja sietki niadaŭna byli pryznanyja ŭładami Biełarusi «ekstremisckimi materyjałami», źviarnuŭsia da hramadzian z rekamiendacyjami pa asabistaj biaśpiecy.
Zhodna ź ciapierašnim zakanadaŭstvam u Biełarusi, a asabliva z-za vielmi advolnych jaho traktovak na praktycy, karystańnie «ekstremisckimi materyjałami» moža mieć vynikam nakładańnie štrafu ci administracyjny aryšt. Tamu EHU raić tym, chto žyvie ŭ Biełarusi ci naviedvaje jaje, vykonvać nastupnyja praviły:
- čyścić historyju braŭzera paśla kožnaha naviedvańnia sajta ehu.lt (na luboj movie);
- nie rabić pieraposty materyjałaŭ sajta ŭ publičnych sacsietkach;
- papiaredzić znajomych, jakija mohuć karystacca sajtam, pra ryzyki i miery biaśpieki;
- admianić padpiski na aficyjnyja akaŭnty ŭniviersiteta ŭ Instagram, Facebook, YouTube i inšych sietkach.
Pry hetym u EHU padkreślivajuć, što navučańnie, daśledavańni i inšaja dziejnaść, źviazanaja z univiersitetam, pakul nie źjaŭlajucca pravaparušeńniem. Sajt ža budzie praciahvać pracu z ulikam abarony piersanalnych danych karystalnikaŭ.
U bresckaj milicyi śćviardžajuć, što čytać «Našu Nivu» — nijakaje nie parušeńnie
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie
Pryznali «ekstremisckimi» fejsbuk-staronku i telehram-kanał Alaksandra Kłaskoŭskaha
KDB pryznaŭ «Zialonuju sietku» ekstremisckim farmavańniem
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary