Jaho schapili paśla viartańnia ŭ Biełaruś kala vaśmi miesiacaŭ tamu i ŭtrymlivajuć u SIZA KDB.
26 žniŭnia pravaabarončyja arhanizacyi vystupili z sumiesnaj zajavaj nakont žurnalistaŭ Aleha Supruniuka i Paŭła Dabravolskaha, jakija znachodziacca za kratami ŭ Biełarusi.
Pra spravu Aleha Supruniuka ŭžo paviedamlałasia raniej. Sud pryznaŭ jaho vinavatym va «ŭdziele u ekstremisckim farmavańni» (častka 3 artykuła 361—1 Kryminalnaha kodeksa) i pryznačyŭ pakarańnie ŭ vyhladzie pazbaŭleńnia voli terminam na try hady. Jak vynikaje z paviedamleńnia, apublikavanaha prakuraturaj Bresckaj vobłaści napiaredadni sudovaha raźbiralnictva, Aleh Supruniuk abvinavačvaŭsia va ŭdziele ŭ «Biełaruskaj asacyjacyi žurnalistaŭ», pryznanaj «ekstremisckim farmavańniem», i napisańni dla jaje artykułaŭ.
Pra źniavoleńnie byłoha žurnalista Naviny.by Paŭła Dabravolskaha raniej publična nie paviedamlałasia. Raniej Pavieł supracoŭničaŭ z roznymi niezaležnymi vydańniami, padčas pratestaŭ 2020 hoda jaho zatrymlivali i pryciahvali da administracyjnaj adkaznaści ŭ suviazi z ažyćciaŭleńniem prafiesijnaj dziejnaści.
Uvosień 2021 hodu Pavieł Dabravolski pakinuŭ Biełaruś, jon žyŭ u tym liku ŭ Łacinskaj Amierycy. Adnak, jak stała ciapier viadoma, sa studzienia 2025 hoda jon znachodzicca ŭ Biełarusi pad vartaj u śledčym izalatary. Dakładny artykuł, pa jakim vystaŭlena abvinavačańnie, publična nie raskryvajecca, adnak akaličnaści, ŭ jakich adbyvajecca kryminalny pieraśled, dajuć padstavy ličyć, što pryčynaj ŭtrymańnia Paŭła pad vartaj stała jaho papiaredniaja dziejnaść, źviazanaja z realizacyjaj prava na svabodnaje vykazvańnie mierkavańniaŭ i raspaŭsiud infarmacyi.
Kamientary