«Ja naličyła 39 čałaviek, kamisija — 102». Niezaležnaja naziralnica raspaviała, jak prajšoŭ pieršy dzień daterminovaha hałasavańnia ŭ Homieli
Siońnia, 4 žniŭnia, u Biełarusi pačałosia daterminovaje hałasavańnie. U siaredniaj škole № 38, 36-ym vybarčym učastku, kolkaść tych, chto prahałasavaŭ, u try razy mienšaja, čym zafiksavała vybarčaja kamisija, paviedamlajuć Mocnyja naviny.
Jak raspaviała Alaksandra, jaje na ŭčastak nie dapuścili. Uvieś čas jana praviała pad dźviaryma. «Nie adychodziła ni na chvilinu», — zapeŭnivaje dziaŭčyna. Tym nie mienš vyniki jaje padlikaŭ i kamisii istotna adroźnivajucca: naziralnica naličyła ŭsiaho 39 čałaviek, kamisija — 102.
Alaksandra źviarnułasia z pytańniem, jak takoje mahło adbycca, da namieśnika staršyni kamisii, na što atrymała adkaz, što toj nie prysutničaŭ uvieś čas na ŭčastku i paraiŭ pacikavicca ŭ tych, chto nie pakidaŭ terytoryi. Adkaz pradkazalny. Dziaŭčynie zajavili, što jana drenna ličyła.
Kamientary