Першае выпрабаваньне праходзіць бедная "Насьця", аблічча якой зьмяняецца, адпаведна патаемным жаданьням.
НТВ, 20.45
Насьця
Расея, 1993, каляровы, 89 хв.
Рэжысэр: Георгі Данэлія.
Жанр: Трагікамэдыя паводле казкі Аляксандра Валодзіна "Здарэньне, якога ніхто не заўважыў"
Ролі выконваюць: Паліна Куцепава, Ірына Маркава, Валер Нікалаеў, Яўген Ляонаў, Аляксандар Абдулаў, Юры Гусман, Савелі Крамараў, Леанід Ярмольнік, Аляксандар Адабаш’ян.
Недарэка Насьця жыве з хворай матуляй і марыць пра шчасьце. Аднойчы добрая дзяўчына дапамагае бабулі, якая, насамрэч, зьяўляецца чараўніцай. Раніцай гераіня прачынаецца прыгожай – і цяпер ёй трэба прайсьці спакусу пекнатою, на якую ласыя багацьце й улада.
На пачатку 90-ых трагікамэдыя "Насьця" ўспрымалася, як сьвежы глыток паветра сярод чарнушнага сьмецьця. Але сёньня гэны фільм выглядае дзіўным помнікам сваёй эпосе – хаця стужка й не губляе характэрнай для Данэліі лірычнае цеплыні.
На канале СТВ а 23.30 Катрын Дэнёў працягвае спакушаць Рупэрта Эвэрэта ў “Небясьпечных сувязях”. А каму й гэтага падасца замала, то а 00.50 старая, але дасьведчаная місіс Гэндэрсан зоймецца патрыятычным выхаваньнем з дапамогай эротыкі (“Місіс Гэндэрсан прэзэнтуе”).
Для неспакушаных застаецца Нірвана.
АНТ, 00.15
Нірвана (Nirvana)
Італія – Францыя – Вялікабрытанія, 1997, каляровы, 113 хв.
Рэжысэр: Габрыэле Сальваторэ
Жанр: Фантастычны кібэрбаявік
Ролі выконваюць: Крыстафэр Ламбэрт, Стэфанія Рока, Эмануэль Сэн’е, Дыега Абатантуон
У кампутарнай гульні “Нірвана” праз памылку галоўны пэрсанаж набыў самасьвядомасьць. Цяпер кампутарны пэрсанаж марыць зрабіць сабе сьмерць, а праграміст не жадае гэтага дапусьціць…
Цяпер чытаюць
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?9
Каментары