Усе жанчыны – вядзьмаркі, падступныя зьлюкі, таталітарныя капланкі пчалінага рою, якія толькі й мрояць, каб скарыстаць мужчыну ў гнюсных мэтах...
Плецены чалавек (Wicker Man).
ЗША–Нямеччына, 2006, каляровы, 102 хв.
Жанр: Містычная драма.
Адзнака: 4,5 (з 10).
Шэрыф Мэлас атрымлівае ліст ад былой нявесты. Жанчына просіць знайсьці сваю зьніклую дачку. Герой адпраўляецца на выспу Самэрс, дзе сутыкаецца з матрыярхатам і паганскімі культамі…
Стужка Ніла Лабута ёсьць паўторам забытага брытанскага шэдэўру Робіна Хардзі.
Але – калі ў карціне 1973 году акцэнтавалася сутыкненьне хрысьціянства з новаадроджаным паганствам, дык сучасны «Плецены чалавек» – млявыя засьцярогі ад фэмінізму.
Усе жанчыны – вядзьмаркі, падступныя зьлюкі, таталітарныя капланкі пчалінага рою, якія толькі й мрояць, каб скарыстаць мужчыну ў гнюсных мэтах.
Ролю падманутага дэтэктыва грае Нікалас Кейдж, які спрабуе паўтарыць акторскія подзьвігі з «8 мм» – але атмасфэрка фэміністычнае выспы не спрыяе – ні страхам, ні гераізму. Ірваныя сны-трызьненьні, маскі, музыка лінчаўскага кампазытара Бадаламэнці, вайскова-пчалярская форма, маўкліва-запалоханыя мужчыны…
І радасная дачушка з паходняй.
Кінасэансы ў Менску:
«Аўрора» з 16 па 18 кастрычніка – 18.30, 20.30, 21.40.
«Дружба» 19, 20, 22 кастрычніка – 17.00, 19.00; 21 кастрычніка – 15.00 (ільготны), 21.00.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый31
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары