Майку Майкла Джордана прадалі на аўкцыёне за рэкордныя 14 мільёнаў даляраў
Гульнявая майка легендарнага баскетбаліста Майкла Джордана, у якой ён выступаў у фінальнай серыі НБА 1998 года, была прададзеная на аўкцыёне за рэкордныя 14 мільёнаў даляраў. Пра гэта паведаміла прэс-служба Нацыянальнай баскетбольнай асацыяцыі.
Чырвоную майку з аўтографам Джордана баскетбаліст надзеў 5 чэрвеня 1998 года ў другім матчы фінальнай серыі плэй-оф супраць «Юты Джаз». Тады ён набраў 37 ачкоў і дапамог «Чыкага Булз» перамагчы з лікам 93:88.
Па выніках серыі «Чыкага» выйграў з агульным лікам 4:2, а Джордан заваяваў свой шосты чэмпіёнскі тытул у складзе «Булз».
Сума 14 мільёнаў даляраў стала рэкорднай для калекцыйных прадметаў, звязаных з баскетболам. Гэта таксама другая па кошце спартыўная майка, калі-небудзь прададзеная на аўкцыёне. Рэкорд належыць форме амерыканскага бейсбаліста Бэйба Рута, якую ў 2024 годзе прадалі за 24,12 мільёна даляраў.
Майка Джордана з фіналу 1998 года прадаецца за суму не менш за 10 мільёнаў даляраў ужо прынамсі трэці раз. У 2022 годзе майку з першага матча фінальнай серыі прадалі прыкладна за 10,1 мільёна даляраў, а ў верасні 2026 года майка з трэцяга матча пайшла з аўкцыёну прыкладна за 12,3 мільёна.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў106
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары