22 жніўня ва ўзросце ўсяго 50 гадоў памёр пісьменнік Ігнат Карповіч. Ён нарадзіўся і жыў у Польшчы, пісаў свае творы па-польску, але меў беларускае паходжанне. Ягоны родны дзядзька — вядомы беларускі мастак з Беласточчыны Лявон Тарасевіч.
Ігнат Карповіч нарадзіўся ў 1976 годзе ў Беластоку. Першыя гады жыцця ён правёў у вёсцы Случанка за 15 кіламетраў ад беларускай мяжы, а пасля разам з бацькамі пераехаў у Беласток.
Паступіўшы ў Варшаўскі ўніверсітэт, ён вывучаў там іспанскую мову і культуру, а таксама афрыканістыку. У літаратуры дэбютаваў у 2006 годзе раманам «Niehalo» («Не ў парадку»). Пазней выйшлі яго кнігі «Цуд», «Жэсты», «Баладыны і рамансы», «Косці» і «Сонька».
Найбольшае прызнанне яму прынёс раман «Баладыны і рамансы», за які ў 2011 годзе ён атрымаў прэмію часопіса Politika. Некалькі яго іншых твораў таксама былі фіналістамі прэстыжнай польскай літаратурнай прэміі «Ніке».
Асаблівае месца ў творчасці Карповіча займае раман «Сонька». Ён быў перакладзены на беларускую мову Марыяй Мартысевіч і ў 2018 годзе выдадзены ў выдавецтве «Логвінаў».
Акрамя ўласнай літаратурнай творчасці, Карповіч займаўся перакладамі мастацкай літаратуры з англійскай, іспанскай і амхарскай моў.
Каментары