«Я вось зараз думаю над гэтай ідэяй».
Учора Аляксандр Лукашэнка сазваў нараду наконт стварэння новай ВНУ — Акадэміі інтэлектуальных тэхналогій. Ён паставіў задачу: у ВНУ павінен быць прыкладны напрамак — «перш за ўсё для жыцця».
«Вельмі прашу вас, давайце вызначымся, якія там будуць напрамкі. Мы там будзем распрацоўваць новыя тыпы беспілотнікаў? Ці ж будзем новыя матэрыялы ствараць і створым праз 200 гадоў гэтыя новыя матэрыялы? Ужо дзесьці на Кольскім паўвостраве знойдуць яшчэ які-небудзь, вы, напэўна, чулі, элемент, які даражэй за золата і г.д.» — паставіў амбітныя мэты Лукашэнка.
Праца ўстановы, на яго думку, «павінна быць звернута ў будучыню», але прыносіць вынік:
«Вось іскра нейкая там прыляцела ў галаве, і, можа, у цэнтры дасць добры вынік. Не беспілотнік вынайдзе <>, а вынайдзе спецыфічны, магутнейшы сродак барацьбы з беспілотнікамі і абнуліць у свеце ўсе гэтыя беспілотнікі», — даў напрамак ён.
Лукашэнка сказаў, што шмат думае пра БПЛА:
«Я вось зараз думаю над гэтай ідэяй, думаю… Вось усе парымся, беспілотнікі, трэба беспілотнікі… А калі хтосьці разумны возьме ў невялікай краіне — у Ізраілі, у Беларусі там і г.д. — і створыць сістэму барацьбы з гэтымі беспілотнікамі, супраць любых беспілотнікаў? Усё! Яны перастаюць лятаць. Падаюць, узарваліся там і г.д.» — памарыў ён.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі19
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары
[Зрэдагавана]