Дэмарш перад матчам ЛЧ: некаторыя гульцы румынскага клуба адмовіліся падаваць руку футбалістам «МЛ Віцебск»
Старт «МЛ Віцебск» у кваліфікацыі Лігі чэмпіёнаў запомніўся не толькі разгромнай паразай 1:4 ад румынскай «Універсітаці», але і палітычным дэмаршам перад стартавым свістком.
Як заўважыла «Трыбуна», адразу некалькі гульцоў румынскай каманды адмовіліся ўдзельнічаць у традыцыйным перадматчавым прывітанні і не сталі пляскаць у далоні футбалістам беларускага клуба.
У аб'ектывы камер трапілі грузінскі легіянер Анзор Мехвабішвілі і партугалец Самуэл Тэлеш. Раней пра свой прынцыповы намер не вітацца з беларусамі публічна заяўляў украінскі абаронца «Універсітаці» Аляксандр Раманчук.
Што тычыцца самой гульні, якая з-за санкцый праходзіла ў Венгрыі, інтрыга ў ёй знікла яшчэ ў першым тайме: румыны забілі тры мячы (два з пенальці). Напрыканцы сустрэчы Валерый Грамыка адгуляў адзін гол далёкім ударам, але ў дабаўлены час віцябляне прапусцілі чацвёрты мяч.
Матч у адказ пройдзе 15 ліпеня ў Румыніі.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары