У Прыпяці павялічваецца колькасць рыбы, раней занесенай у Чырвоную кнігу
У рацэ Прыпяць адзначаецца павелічэнне папуляцыі падуста — рыбы, якая да 2014 года была занесена ў Чырвоную кнігу Беларусі, піша партал Fishingby.com.
Як паведамляюць рыбаловы, калі раней падуст у Прыпяці трапляўся вельмі рэдка, то цяпер яго ўсё часцей ловяць аматары рыбнай лоўлі. Хоць гаварыць пра масавы вылаў пакуль рана, пры спрыяльных умовах на гэтую рыбу ўжо можна рыбачыць мэтанакіравана. Часам на кручок трапляюцца і даволі буйныя асобіны.
Спецыялісты адзначаюць, што пасля нерасту падуст трымаецца невялікімі групамі. З-за гэтага можа стварацца ўражанне, што яго мала, хоць насамрэч папуляцыя значна большая.
Падуст ловіцца на тыя ж прынады, што і іншыя карпавыя рыбы. Ён адрозніваецца рэзкай паклёўкай і пры вывожванні аказвае моцнае супраціўленне.
Павелічэнне колькасці падуста ў Прыпяці лічыцца добрым паказчыкам стану рачной экасістэмы. Калі цяперашняя тэндэнцыя захаваецца, гэты від можа канчаткова стаць адным са звычайных насельнікаў Прыпяці.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў43
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары