Лідарка ўльтраправай «Альтэрнатывы для Германіі» паабяцала аднавіць імпарт нафты і газу з Расіі ў выпадку перамогі на выбарах
У інтэрв'ю Reuters Аліса Вайдэль заявіла, што Германія павінна адмовіцца ад эмбарга на імпарт расійскіх нафты і газу, каб падтрымаць эканоміку краіны, якая аслабла.
Паводле яе слоў, «Альтэрнатыва для Германіі» разлічвае ў найбліжэйшыя месяцы перамагчы на выбарах у дзвюх федэральных землях. У партыі спадзяюцца, што гэта стане важным крокам на шляху да перамогі на агульнанацыянальных выбарах, якія павінны адбыцца не пазней за 2029 год. Вайдэль разлічвае заняць пасаду канцлера ФРГ «на гэтых выбарах або на наступных».
«Танная энергія з Расіі была сакрэтам поспеху брэнда «Зроблена ў Германіі». Нам трэба яе вярнуць», — заявіла Вайдэль, ігнаруючы той факт, што эканамічны поспех Германіі быў закладзены яшчэ пасля Другой сусветнай вайны, калі ніякіх паставак энергарэсурсаў з СССР не існавала. Акрамя таго, ён тлумачыцца спецыялізацыяй на вытворчасці высокатэхналагічнай прадукцыі, актыўнымі даследаваннямі і распрацоўкамі, а таксама іншымі фактарамі, якія не звязаныя непасрэдна з энергарэсурсамі, піша Moscow Times.
Эканамічная стагнацыя ў Германіі пачалася яшчэ ў 2019 годзе, хаця страта танных расійскіх энергарэсурсаў праз тры гады нанесла ёй дадатковы ўдар. Паводле Вайдэль, гэта адкінула краіну на некалькі гадоў назад.
«Былі страчаныя сотні тысяч працоўных месцаў. Гэта зрабіла нас залежнымі ад Злучаных Штатаў, якія прадаюць нам энергарэсурсы па значна вышэйшых цэнах», — заявіла яна.
Крэмль актыўна падтрымліваў «Альтэрнатыву для Германіі» яшчэ да пачатку вайны супраць Украіны і захоўвае з партыяй кантакты. На пачатку чэрвеня дэпутат Бундэстага ад «АдГ» Маркус Фронмаер наведаў Пецярбургскі міжнародны эканамічны форум.
На сустрэчы са старшынёй праўлення «Газпрама» Аляксеем Мілерам ён абмеркаваў магчымасць аднаўлення працы газаправодаў «Паўночны паток».
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Калі ласка не выдаляць каментар, правы не парушаюцца.