На агравыставе «Белагра» МАЗ прэзентаваў навінку — ружовы аўтамабіль для перавозкі марожанага «Купава». Гэтая мадэль створана адмыслова для транспартавання замарожаных прадуктаў. Галоўная асаблівасць машыны — спецыяльны кузаў, які здольны надзейна трымаць глыбокі мінус нават у летнюю спёку.
На выставе «Белагра» выставілі першы ўзор марожаніцы «Купава» 273100, якая сабрана на базе шасі МАЗ-365022-540-020.
Распрацоўка разлічана на тых, хто займаецца перавозкай замарожаных прадуктаў. Поўная маса аўтамабіля — 3 940 кг. Пад капотам — рухавік на 150 конскіх сіл, які працуе ў пары з 6‑ступеньчатай механічнай каробкай перадач.
У салоне: кандыцыянер, бартавы камп’ютар, заднія парктронікі, мультыруль, электрапакет, магнітола і круіз-кантроль.
Унутраны аб’ём кузава — 9,75 кубічнага метра. Прастора падзелена на 8 секцый. Сем з іх прызначаныя для перавозкі прадуктаў. Восьмая адведзена пад элементы холаду, якія падтрымліваюць тэмпературу.
Унутры кузава можна стабільна падтрымліваць тэмпературу да мінус 20 градусаў.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары