У Польшчы раскрылі схему вывазу падсанкцыйных тавараў у Беларусь. Затрымалі супрацоўніцу мытні
Польская пракуратура раскрыла дзейнасць арганізаванай злачыннай групы, якая незаконна вывозіла санкцыйныя тавары ў Беларусь. Паводле даных Рэгіянальнай пракуратуры ў Любліне, група дзейнічала з чэрвеня 2025 года па красавік 2026 года на памежных пераходах Кукурыкі, Карашчын і Тэрэспаль.
Схема была наступная: удзельнікі перавозілі забароненыя да экспарту тавары (напрыклад, аўтазапчасткі і дэталі для тэхнікі), але афармлялі іх як звычайныя прадукты — прысмакі, каву або піва. Для гэтага выкарыстоўвалі два камплекты дакументаў: фальшывыя — для польскай мытні і сапраўдныя — для падачы ўжо на беларускай мяжы.
Важную ролю ў схеме адыгрывала супрацоўніца мытна-падатковай службы Магдалена В. Паводле матэрыялаў следства, яна за хабар прапускала грузы без праверкі. Агульная сума атрыманых ёй грошай склала не менш за 162,5 тысячы злотых (каля 42,2 тысячы еўра). Падчас ператрусу ў яе знайшлі каля 385 тысяч злотых (каля 91 тысячы еўра) наяўнымі і амаль 2 тысячы еўра.
Усяго былі затрыманыя 6 чалавек. Ім выставілі абвінавачанні ва ўдзеле ў арганізаванай злачыннай групе, кантрабандзе і абыходзе санкцый, а таксама ў карупцыі (для службовай асобы).
Суд у Любліне ўзяў супрацоўніцу мытні пад варту на 3 месяцы. Астатнім падазраваным прызначылі больш мяккія меры стрымання — заклад, падпіска аб нявыездзе і кантроль паліцыі.
Расследаванне працягваецца і не выключана, што ў справе з’явяцца новыя фігуранты.
МЗС Літвы пацвердзіла, што краіна абмяркоўвае з ЗША пытанне беларускіх калійных угнаенняў
Кампанія, якая хацела зарабіць на пастаўках у ЕС калійнай солі пад выглядам солі для дарог, кінула «Беларуськалій» і збанкрутавала
У пункце пропуску «Казловічы» фура наехала на 24‑гадовага супрацоўніка лагістычнай кампаніі
Цяпер чытаюць
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары