Трамп расказаў пра «вельмі добрую» размову з Пуціным і назваў сябе ініцыятарам перамір'я
Падчас размовы з журналістамі ў Авальным кабінеце прэзідэнт ЗША падзяліўся падрабязнасцямі пра сваю сённяшнюю тэлефонную размову з прэзідэнтам Расіі Уладзімірам Пуціным, пра факт якой раней расказаў памочнік Пуціна Юрый Ушакоў.
Паводле слоў Трамп, размова была «вельмі добрай». Ён выказаў упэўненасць, што вырашэнне расійска-ўкраінскай вайны наступіць «адносна хутка». Таксама ён сказаў, што прапанаваў расійскаму лідару «кароткае спыненне агню».
«Я прапанаваў кароткае спыненне агню, і я думаю, ён можа гэта зрабіць», — заявіў ён.
Акрамя гэтага, Пуцін падчас тэлефоннай размовы нібыта прапанаваў Трампу дапамогу ў вайне з Іранам, у прыватнасці адносна ўзбагачанага ўрану.
«Ён хацеў бы дапамагчы. Я сказаў: перш чым ты мне дапаможаш, я хачу, каб ты скончыў сваю вайну. Ён сказаў мне, што хацеў бы далучыцца да ўзбагачэння [урану]. Ён можа дапамагчы нам гэта атрымаць», — дадаў амерыканскі прэзідэнт.
Юрый Ушакоў раней казаў, што прапанова зрабіць перамір'е «на перыяд Дня Перамогі» паходзіла не ад Трампа, а ад Пуціна.
Пуцін патэлефанаваў Трампу і прапанаваў аб'явіць перамір'е «на перыяд Дня Перамогі»
Трамп пераблытаў Украіну і Іран, ды так, што ўсіх скаланула
Карл ІІІ патроліў Трампа падчас урачыстай вячэры ў Белым доме
Дзярждэп ЗША выпусціць лімітаваную серыю пашпартоў з выявай Трампа ўнутры
Трамп даручыў падрыхтавацца да доўгай блакады Армузскага праліва
Каментары