Фармат стрытфуд-пляцовак плаўна распаўсюджваецца са сталіцы на абласныя цэнтры. У Магілёве рыхтуюць да адкрыцця ўласную гастранамічную прастору «Паляна», заўважыла выданне Blizko.by.
Размесціцца новая лакацыя ў цэнтральнай частцы горада, на вуліцы Піянерскай, недалёка ад галоўных славутасцяў Магілёва, уключаючы плошчу Леніна.
Цяпер на пляцоўцы ўжо актыўна ідуць будаўнічыя работы. На яе тэрыторыі паставілі першыя павільёны пад пункты хуткага харчавання.
Якія менавіта пункты фастфуду будуць прадстаўленыя і калі адбудзецца адкрыццё, пакуль не паведамляецца.
Заяўляецца, што «Паляна» будзе не проста вулічным фудкортам: для наведвальнікаў рыхтуюць паўнавартасную гарадскую прастору для адпачынку і вольнага часу. Там плануюць праводзіць кінапаказы, фестывалі, майстар-класы і спартыўныя актыўнасці.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы13
Каментары