Раку Свіслач у Мінску часова «перазапускаюць» па прычыне будаўніцтва трэцяй лініі метро. Работы звязаныя з узвядзеннем новых станцый, якія плануюць адкрыць да 2028 года, паведамляе тэлеканал АНТ.
Падчас будаўніцтва метрабудаўнікі вымушаныя працаваць ніжэй за ўзровень вады, таму ўзнікаюць тэхнічныя складанасці. Каб іх вырашыць, ствараюць спецыяльную ахоўную канструкцыю, якая дазваляе ізаляваць частку ракі.
Працэс выглядае так: спачатку адну частку ракі часова перакрываюць і адпампоўваюць з яе ваду. Пасля гэтага на дне праводзяць неабходныя работы — прыбіраюць лішні грунт, умацоўваюць рэчышча і заліваюць бетонную аснову. Потым ваду вяртаюць, а пасля такім жа чынам працуюць з другой часткай.
Менавіта гэта і называюць «перазапускам» ракі — яе плынь часова змяняюць, каб можна было бяспечна весці будаўніцтва.
Гаворка ідзе не пра экалагічныя змены, а пра тэхнічнае рашэнне, неабходнае для ўзвядзення метро ў складаных умовах.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
А слэнгу такога і няма. Частка, фрагмент фразы, які асобна ад кантэксту гучыць абсурдна.
Пусцяць, перанакіруюць ў іншае рэчышча, пасля перазапусцяць ваду ў першапачатковае. Звычайны працэс у гідратэхнічных працах, калі будуюць масты або як зараз.
Якія "экалагічныя змены"? Пра іх і гаворкі няма, усе казуркі, галавасцікі і рыбкі, якія там жылі, будуць залітыя бетонам.