Пентагон рыхтуецца да магчымага моцнага ўдару па Іране, калі дыпламатычныя намаганні па вырашэнні канфлікту не прынясуць выніку, асабліва калі не будзе разблакаваны Армузскі праліў. Амерыканскія вайскоўцы распрацоўваюць некалькі сцэнарыяў «рашучага ўдару», якія ўключаюць высадку войскаў і масавыя бамбаванні, расказалі выданню Axios два амерыканскія чыноўнікі і яшчэ дзве асобы, знаёмыя з сітуацыяй.
Паводле сведчання крыніц, распрацоўваюцца чатыры асноўныя варыянты «рашучых дзеянняў»:
- высадка на востраў Харк, галоўны цэнтр нафтапрадуктавага экспарту Ірана, або яго блакада;
- высадка на востраў Ларак, важны для кантролю над Армузскім пралівам;
- захоп стратэгічнага вострава Абу-Муса і двух меншых астравоў на заходнім уваходзе ў праліў;
- блакаванне або захоп суднаў з іранскай нафты.
Акрамя таго, разглядаюцца наземныя аперацыі ў глыбіні тэрыторыі Ірана для захопу высокаўзбагачанага ўрану ці масавыя авіяўдары па ядзерных аб’ектах, каб адрэзаць Іран ад гэтых рэсурсаў.
Прэзідэнт ЗША Дональд Трамп пакуль не аддаў загад на ўвядзенне войскаў, часткова таму, што хоча скончыць канфлікт хутка і баіцца страт сярод амерыканскіх салдат.
Іран таксама рыхтуецца да магчымай высадкі амерыканскіх войскаў на Харк: на востраве ўзведзеная шматузроўневая абарона, размешчаныя дадатковыя сілы, пераносныя ЗРК, супрацьпяхотныя і супрацьтанкавыя міны ўздоўж берага.
Трамп расказаў пра 10 танкераў з нафтай, якія Іран падарыў ЗША
Пентагон можа перанакіраваць пастаўкі зброі, прызначанай для Украіны, у Іран
Найлепшая рэклама амерыканскай авіяцыі. Як амерыканскі знішчальнік ухіліўся ад іранскай ракеты ВІДЭА
Ізраільскім ударам забіты камандуючы вайскова-марскімі сіламі КВІР
Колькі боепрыпасаў выпусцілі ЗША і іх саюзнікі ў Іране — Украіна толькі зайздросціць
Іран падрыхтаваўся да баёў з амерыканскім дэсантам за востраў Харк
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары