Лукашэнка заявіў пра гатоўнасць вярнуць захопленыя літоўскія фуры
«Вернем мы гэтыя фуры. Шкада палякаў, літоўцаў», — сказаў ён.
Аляксандр Лукашэнка у наступныя дні мае намер прыняць рашэнне па фурах з літоўскай рэгістрацыяй, якія знаходзяцца на тэрыторыі Беларусі. Пра гэта ён заявіў журналістам, піша БелТА.
«Гэта рашэнне да панядзелка я абавязаны прыняць. Цягнуць не трэба, я не хачу, каб быў бюракратызм або валакіта. Гэта мой прынцып: я чалавек сістэмны і хачу гэта вырашыць за выхадныя», — заявіў Аляксандр Лукашэнка.
Ён нагадаў, што раней да яго пісьмова звярнуліся прадстаўнікі літоўскіх і польскіх аўтаперавозчыкаў. Аляксандр Лукашэнка даручыў кіраўніцтву ўрада правесці з імі сустрэчу.
«Я даручыў ураду: давайце вы сустрэнецеся і па-чалавечы з імі пагаворыце. Селі за стол перамоваў, выслухалі іх і перадалі мне. Я прыму рашэнне і, думаю, з панядзелка мы працэс вяртання гэтых фур пачнем. Вернем мы гэтыя фуры. Шкада палякаў, літоўцаў», — сказаў ён.
Пры гэтым, адзначыў ён, для аўтаперавозчыкаў можа быць зніжана цана за ахову фур, якая першапачаткова складала 120 еўра ў суткі.
Нагадаем, што ў лістападзе мінулага года Літва ў адказ на пастаянныя прылёты метэазондаў кантрабандыстаў закрыла мяжу з Беларуссю. У адказ афіцыйны Мінск сабраў грузавікі літоўскіх перавозчыкаў і размясціў на спецыяльных стаянках з платай. Пры гэтым беларускія ўлады пагражалі канфіскацыяй грузавікоў.
У сераду прэм'ер Аляксандр Турчын правёў у Мінску сустрэчу з літоўскімі перавозчыкамі.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары