Турчын заявіў, што Беларусь не будзе канфіскоўваць літоўскія фуры
«Нашае жаданне — канструктыўна дамовіцца і выйсці са складанай сітуацыі», — заявіў прэм’ер-міністр Беларусі падчас сустрэчы з літоўскімі і польскімі перавозчыкамі, піша БелТА.
Міжнародныя аўтаперавозчыкі звярнуліся да Лукашэнкі з просьбай садзейнічаць урэгуляванню сітуацыі з грузавікамі з літоўскай рэгістрацыяй.
«Мы, нягледзячы на адкрыта недружалюбную палітыку суседніх дзяржаў, займаем канструктыўную пазіцыю і маем намер максімальна ўлічваць інтарэсы ўсіх зацікаўленых бакоў. Нягледзячы на магчымасць канфіскацыі транспартных сродкаў, у беларускага боку дакладна няма ні намеру, ні жадання гэтым скарыстацца. Нашае жаданне — канструктыўна дамовіцца і выйсці са складанай сітуацыі. Падчас нядаўняга візіту прадстаўнікоў літоўскай асацыяцыі ў іх была магчымасць пераканацца, што ўсе транспартныя сродкі знаходзяцца на ахоўных стаянках і ў належным стане. Уласнік гэтых стаянак — камерцыйная арганізацыя. Наша пазіцыя таксама зразумелая: тыя выдаткі, якія панесла наша кампанія, павінны быць кампенсаваны», — сказаў Аляксандр Турчын.
«Мы на працягу ўсіх гэтых чатырох месяцаў прапаноўвалі нашым калегам з Літоўскай Рэспублікі сустрэцца, правесці перамовы з мэтай абрання мер па ўрэгуляванню гэтага і іншых пытанняў у двухбаковым узаемадзеянні. На жаль, верагодна, у літоўскага ўрада ёсць справы больш важныя, чым займацца праблемамі ўласнага бізнэсу», — дадаў прэм'ер
Нагадаем, што ў лістападзе мінулага года Літва ў адказ на пастаянныя прылёты метэазондаў кантрабандыстаў закрыла мяжу з Беларуссю.
У адказ афіцыйны Мінск сабраў грузавікі літоўскіх перавозчыкаў і размясціў на спецыяльных стаянках з платай. Пры гэтым беларускія ўлады пагражалі канфіскацыяй грузавікоў
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Каментары
Замечу, что с поляками таких проблем не было, потому что поляки все сделали по процедурам.
Поэтому тут виноваты в ситуации обе стороны, при этом страдает - третья, перевозчики из разных стран.