Усе гульцы зборнай Канады выйшлі на лёд, калі швейцарскага хакеіста выносілі з пляцоўкі
Апошні матч учорашняга гульнявога дня на Алімпіядзе спакойна ішоў да завяршэння, Канада ўпэўнена перайгравала Швейцарыю з лікам 5:1, але тут здарылася страшная траўма форварда швейцарцаў Кевіна Фіяла.
Цім Уілсан ехаў праводзіць сілавы прыём, які першапачаткова і не выглядаў небяспечным. Фіяла бачыў суперніка і гатовы быў адказаць, аднак няўдала ўпаў разам з канадцам і атрымаў цяжкую траўму. Кевін не мог паварушыцца: нага замерла ў адным становішчы, і дактарам прыйшлося самастойна падымаць гульца, піша Championat.com.
На гульцах абедзвюх каманд, гледачах, суддзях не было твару — усе моўчкі назіралі за тым, што адбываецца. Канадская каманда нават выехала на лёд і падтрымала форварда швейцарскай зборнай.
Галоўны трэнер швейцарцаў Патрык Фішэр пасля матча сказаў: «Мы яго яшчэ не бачылі. Ён адправіўся ў бальніцу. Відавочна, што яго стан не вельмі добры. Вельмі, вельмі цяжкі момант для Кевіна і ўсёй каманды».
Абаронца канадцаў Дру Даўці, які з'яўляецца аднаклубнікам Фіяла, як і ўсе, быў ашаломлены і заявіў, што хоча ўбачыць свайго таварыша як мага хутчэй: «Я хацеў пад'ехаць да яго, калі ён ляжаў на лёдзе. Я яму сказаў нешта, калі яго везлі, а цяпер збіраюся знайсці яго як мага хутчэй прама цяпер».
Даў каментар і Цім Уілсан, якога многія цяпер паліваюць брудам, хоць відавочна, што Цім не хацеў траўмаваць суперніка: «Гэта Алімпійскія Гульні, мне вельмі шкада, што ён, магчыма, не зможа працягнуць гуляць. Ніколі не хочацца бачыць, як гулец атрымлівае траўму, асабліва на такім турніры».
Швейцарская федэрацыя ўжо выступіла з заявай: «Кевін Фіяла быў вымушаны пакінуць лёд з-за траўмы за тры хвіліны да канца гульні. Медыцынскае абследаванне выявіла траўму нагі, якая выключае яго ўдзел у Алімпійскіх гульнях 2026 года».
Фігурыст з Казахстана Міхаіл Шайдораў сенсацыйна выйграў золата Алімпіяды
Галоўны трэнер зборнай Фінляндыі па скачках з трампліна перабраў на Алімпіядзе з алкаголем
Стурла Хольм Легрэйд выбачыўся перад былой дзяўчынай за аповед пра здраду
Ёханэс Клэба выйграў восьмы залаты медаль. Ён стаў разам з вялікімі
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы4
Каментары