Стурла Хольм Легрэйд выбачыўся перад былой дзяўчынай за аповед пра здраду
«Я не магу гэта выправіць, але цяпер я пакіну ўсё гэта ззаду, каб засяродзіцца на Алімпійскіх гульнях», — сказаў нарвежац.
Алімпійскі чэмпіён 2022 года ў эстафеце, сяміразовы чэмпіён свету, нарвежскі біятланіст Стурла Хольм Легрэйд папрасіў прабачэння ў сваёй былой дзяўчыны за заявы пра здраду пасля індывідуальнай гонкі на 20 км на Алімпійскіх гульнях — 2026 у Італіі.
«Прыношу прабачэнні маёй былой дзяўчыне, якая міжволі апынулася ў цэнтры ўвагі СМІ. Спадзяюся, у яе ўсё добра. Я не магу гэта выправіць, але цяпер я пакіну ўсё гэта, каб засяродзіцца на Алімпійскіх гульнях. Не буду адказваць на далейшыя пытанні з гэтай нагоды», — прыводзіць словы Легрэйда VG.
У аўторак Стурла пасля бронзавага фінішу ў індывідуальнай гонцы публічна прызнаўся ў здрадзе сваёй дзяўчыне.
«Паўгода таму я сустрэў каханне ўсяго свайго жыцця — самую прыгожую і добрую дзяўчыну ў свеце, а тры месяцы таму здзейсніў самую вялікую памылку ў сваім жыцці — здрадзіў ёй.
Гэта быў найгоршы тыдзень у маім жыцці. Магчыма, цяпер многія паглядзяць на мяне інакш, але я думаю толькі пра яе. Я не зусім разумею, пра што цяпер хачу сказаць, але спорт у апошнія дні адышоў на другі план. І шкада, што я не магу падзяліцца з ёй гэтым. Я стараюся быць добрым прыкладам для пераймання, але зрабіў глупства.
Мне няма чаго губляць. У мяне быў шанец на сапраўднае каханне, і я ўсё сапсаваў.
Не абавязкова дараваць мне. Але калі ёсць хоць нейкі шанец сказаць ёй, як моцна я яе кахаю, нават калі гэта медыйна заб’е мяне ў жывым эфіры, я гатовы — абы атрымаць гэты драбнюткі шанец», — сказаў 28‑гадовы спартсмен пасля гонкі.
Сёння на Алімпіядзе пройдзе спрынт на 10 км у біятлоне.
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала1
Каментары