Пуцін на перамовах з Трампам просіць вярнуць Расію ў даляравую сістэму
Расія ў рамках магчымай дамовы з адміністрацыяй Дональда Трампа аб Украіне імкнецца аднавіць удзел у міжнароднай сістэме разлікаў у далярах. Пра гэта паведамляе Bloomberg са спасылкай на ўнутраны мемарандум, падрыхтаваны для высокапастаўленых чыноўнікаў раней у гэтым годзе.
У Крамлі бачаць зняцце абмежаванняў на разлікі ў далярах як частку пагаднення аб завяршэнні вайны ва Украіне. Мемарандум акрэслівае сем магчымых напрамкаў супрацоўніцтва паміж Расіяй і ЗША.
Акрамя пытанняў даляра, Крэмль цікавіць доўгатэрміновыя кантракты на пастаўку амерыканскіх самалётаў для мадэрнізацыі авіяпарку расійскіх перавозчыкаў, сумесныя праекты здабычы цяжкадаступнай нафты і вытворчасці ЗПГ. Для прыцягнення ЗША ў нафтагазавы сектар Масква гатова ўлічыць ранейшыя амерыканскія інвестыцыі і садзейнічаць кампенсацыі страт.
Таксама прапануецца супрацоўніцтва ў сферы ядзернай энергетыкі, здабычы літыю, медзі, нікелю і плаціны, а таксама сумеснае прасоўванне выкапнёвага паліва як альтэрнатывы кліматычнай палітыцы. Амерыканскім кампаніям абяцаюць прэферэнцыі пры вяртанні на расійскі спажывецкі рынак.
Аднак самым гучным пунктам плана з’яўляецца вяртанне Расіі да разлікаў у далярах — рэзкі паварот у параўнанні з ранейшай палітыкай дэдалярызацыі і разлікаў у нацыянальных валютах, якія Масква спрабуе развіваць з Індыяй і Кітаем у межах стварэння адзінай валюты БРІКС.
Вяртанне да даляра дазволіла б Расіі пашырыць валютны рынак і знізіць ваганні аплатнага балансу, а ЗША — умацаваць пазіцыі даляра як сусветнай рэзервовай валюты і скараціць глабальныя гандлёвыя дысбалансы. Паводле Bloomberg, гэта таксама стала б вялікай перамогай адміністрацыі Трампа ў яе мэтах для аслаблення адносін Масквы і Пекіна.
Пяскоў і Лаўроў заявілі пра неабходнасць «па-мужчынску» трымацца «разуменняў», дасягнутых у Анкорыджы
У ЗША падрыхтавалі новыя санкцыі супраць Расіі на выпадак правалу перамоў
Трамп заявіў, што Пуцін «стрымаў абяцанне» не абстрэльваць украінскія гарады на працягу тыдня
«Ціск на Пуціна не працуе». Сенатар Грэм заклікаў Трампа ўзброіць Украіну «Тамагаўкамі»
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары
Конец войны на условиях капитуляции Украины перед путиным.