Украінскі скелетаніст Гераскевіч пракаментаваў сітуацыю са сваёй дыскваліфікацыяй на Алімпіядзе
Ён адзначыў, што не атрымаў ніякага тлумачэння адносна расейскага сцяга, намаляванага на шлеме аднаго са спартоўцаў.
Украінскі скелетаніст Уладзіслаў Гераскевіч упершыню пракаментаваў сваю дыскваліфікацыю на зімовай Алімпіядзе-2026, піша УНІАН.
Украінскі спартовец мяркуе, што ніякіх парушэнняў з ягонага боку на Алімпіядзе-2026 не было. «Мы не парушылі ніякіх правілаў і мелі поўнае права выступаць у гэтым шлеме на ўзроўні з іншымі спартоўцамі, якія рабілі падобнае ў папярэднія дні на гэтых Алімпійскіх гульнях», — падкрэсліў спартовец.
Гераскевіч распавёў, што ў атрыманых ім дакументах напісана, што ён публічна анансаваў, што гэта ахвяры вайны.
«Гэты шлем не нясе палітычнага кантэксту, таму, мяркую, я меў поўнае права выступаць у ім», — выказаў перакананне спартовец.
У сувязі з гэтым Гераскевіч паставіў пад сумнеў заявы Міжнароднага алімпійскага камітэта (МАК) і асабіста старшыні МАК Керсці Ковентры, што яны падтрымліваюць Украіну.
«У гэтым ёсць вялікія сумневы. Асабліва пасля гэтага рашэння. Мы заплацілі цану за нашу годнасць. Я адстойваў інтарэсы Украіны і памяць аб спартоўцах», — растлумачыў свае дзеянні Гераскевіч.
Ён адзначыў, што ў далейшым будзе рыхтаваць пазоў у CAS і працягваць змагацца за свае правы.
Нагадаем, што сёння Міжнародны алімпійскі камітэт дыскваліфікаваў Улада Гераскевіча, які збіраўся выступаць на спаборніцтвах у шлеме, на якім былі фотаздымкі загінулых на вайне з Расіяй украінскіх спартоўцаў.
Раней МАК забараніў яму ў гэтым шлеме і выступаць, і трэніравацца. Гераскевічу прапанавалі замяніць шлем на чорную стужку. А ў шлеме, маўляў, можна будзе выйсці да прэсы пасля спаборніцтваў. Ён адмовіўся.
На шлеме змешчаныя выявы 20 спартсменаў, якія загінулі за апошнія чатыры гады падчас уварвання Расіі.
«Некаторыя з іх былі членамі алімпійскага руху, алімпійскай сям’і; нехта — проста дзецьмі, якія трапілі пад расійскія абстрэлы. Гэта былі людзі, якія ўсё жыццё былі цесна звязаныя са спортам, заўзелі за нас, былі нашымі сябрамі», — сказаў украінскі скелетаніст. — Некаторыя з іх былі маімі сябрамі».
МАК забараніў украінскаму скелетаністу выступаць у шлеме з выявамі спартсменаў, загінулых на вайне
Украінец будзе змагацца за «шлем памяці» на Алімпіядзе. Хто на ім — поўны спіс
Украінскага скелетаніста Гераскевіча дыскваліфікавалі на Алімпіядзе за шлем з фотаздымкамі загінулых на вайне спартоўцаў
Прэзідэнт МАК расплакалася пасля дыскваліфікацыі скелетаніста Гераскевіча
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну29
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
не получилось стать равнее других.
Для политических демонстраций ищите площадки вне олимпийских игр
Кажаш так, быць бы іх чытаў)
"Па другое, чаму ж тады мак не пакараў тых спартоўцаў"© А ты ведаеш, адкуль стала вядома, што хтосці таксама мае нейкія парушэнні? Гэта праз гэтага стукача.
"Вось дзе крывадушша і цынізм, а ты гэта яшчэ апраўдваеш!"©
Яго папярэдзілі, прапанавалі альтэрнатыву, ён адмовіўся, за што і вінен несці адказнасць.