У нядзелю ўвечары ў Лос-Анджэлесе (у Мінску была раніца панядзелка) 68‑ы раз былі абвешчаныя пераможцы штогадовай прэстыжнай музычнай прэміі «Грэмі».
Журы конкурсу прызнала «Найлепшым альбомам года» зборнік Debi Tirar Mas Fotos пуэртарыканскага рэпера Bad Bunny. Ён жа атрымаў узнагароду і за найлепшы урбан-альбом.
Debi Tirar Mas Fotos уключае ў сябе розныя элементы пуэртарыканскай музыкі і закранае актуальныя праблемы вострава, які знаходзіцца пад кіраваннем ЗША. Усе песні ў альбоме выкананыя на іспанскай мове.
У намінацыі «Найлепшы запіс» была адзначаная кампазіцыя Luther Кендрыка Ламара і спявачкі SZA.
Аўтаркай найлепшага вакальнага поп-альбома стала Лэдзі Гага са зборнікам Mayhem, а найлепшага рэп-альбома — таксама Кендрык Ламар з GNX.
Гэтыя статуэткі сталі 26‑й і 27‑й у яго кар’еры — такім чынам, Ламар стаў самым тытулаваным рэперам у гісторыі «Грэмі».
Найлепшым новым артыстам назвалі 26‑гадовую брытанку Алівію Дзін.
Wildflower Білі Айліш была абвешчаная песняй года.
Статуэтку за найлепшае сольнае поп-выкананне атрымала Лола Янг з песняй Messy, а музычным кліпам года прызналі Anxiety спявачкі Doechii.
Bad Bunny — сцэнічны псеўданім Беніта Антоніа Марцінеса Акасія, яму 31 год, ён рэпер, спявак, аўтар песень і акцёр. Апроч рэпу і рэгетону ў сваіх песнях ён таксама выкарыстоўвае элементы року соўлу. Самыя папулярныя яго песні на YouTube маюць за мільярд праглядаў.
Яго папулярнасць настолькі вялікая, што «Дрэннаму Трусіку» даверылі быць хэдлайнерам Super Bowl 2026, фіналу турніру па амерыканскаму футболу, які мае самую вялікую тэлеаўдыторыю, а хвіліна рэкламы каштуе мільёны даляраў.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары